ﺋﻪﻳﺪﯨﺰ ﻗﺎﻧﺪﺍﻕ ﺋﺎﺩﻩﻣﻠﻪﺭﮔﻪ ﭼﺎﭘﻠﯩﺸﯩﺪﯗ؟
ﮪﯧﭽﻜﯩﻤﻨﯩﯔ ﺋﻪﻳﺪﯨﺰﺩﯨﻦ ﻳﯘﻗﯘﻣﻠﯩﻨﯩﭗ ﻗﺎﻟﻐﯩﺴﻰ ﻳﻮﻕ. ﺋﻪﻣﻤﺎ، ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻐﺎﻥ ﻛﯩﺸﯩﻠﻪﺭﻧﯩﯔ ﻗﯘﻳﺮﯨﻘﻰ ﺋﯜﺯﯛﻟﻤﻪﻳﯟﺍﺗﯩﺪﯗ. ﺋﻪﻳﺪﯨﺰ ﺋﺎﺩﻩﻣﻠﻪﺭﻧﻰ ﺋﯩﺰﺩﻩﭖ ﺋﻪﻣﻪﺱ، ﺋﺎﺩﻩﻣﻠﻪﺭ ﺋﻪﻳﺪﯨﺰﻧﻰ ﺋﯩﺰﺩﻩﭖ ﺗﯧﭙﯩﭗ ﭘﯘﺗﻠﯩﺸﯩﯟﺍﺗﯩﺪﯗ. ﭼﯜﻧﻜﻰ، ﺋﻪﻳﺪﯨﺰﻧﯩﯔ ﻳﯘﻗﯘﺵ ﻳﻮﻟﻠﯩﺮﻯ ﺑﻮﻟﻐﺎﻥ ﺟﯩﻨﺴﻰ ﻣﯘﻧﺎﺳﯩﯟﻩﺗﺘﯩﻦ، ﻗﺎﻧﺪﯨﻦ، ﺋﺎﻧﯩﺪﯨﻦ ﺑﺎﻟﯩﻐﺎ ﻳﻮﻗﯩﺪﯗ ﺩﯦﮕﻪﻥ ﺋﯘﺳﯘﻟﻼﺭ ﻧﺎﮪﺎﻳﯩﺘﻰ ﺋﯧﻨﯩﻖ-ﺋﺎﺷﻜﺎﺭﻩ ﺑﻮﻟﯘﭖ ﻛﻪﺗﺘﻰ. ﺑﯘﻻﺭﻧﯩﯔ ﺋﯩﭽﯩﺪﻩ ﺟﯩﻨﺴﻰ ﻣﯘﻧﺎﺳﯩﯟﻩﺗﺘﯩﻦ ﻳﯘﻗﺘﯘﺭﯗﭖ ﻗﺎﻥ ﺋﺎﺭﻗﯩﻠﯩﻖ ﺗﺎﺭﻗﯩﺘﯩﯟﺍﺗﻘﺎﻧﻼﺭ، ﺋﺎﻧﯩﺪﯨﻦ ﺑﺎﻟﯩﻐﺎ ﺗﺎﺭﻗﯩﺘﯩﯟﺍﺗﻘﺎﻧﻼﺭ، ﻳﻪﻧﻪ ﻗﺎﻥ ﺋﺎﺭﻗﯩﻠﯩﻖ ﻳﯘﻗﺘﯘﺭﯗﭖ ﺟﯩﻨﺴﻰ ﻣﯘﻧﺎﺳﯩﯟﻩﺗﺘﯩﻦ ﺗﺎﺭﻗﯩﺘﯩﯟﺍﺗﻘﺎﻧﻼﺭ، ﻳﻪﻧﻪ ﺟﯩﻨﺴﻰ ﻣﯘﻧﺎﺳﯩﯟﻩﺗﺘﯩﻦ ﻳﯘﻗﺘﯘﺭﯗﭖ، ﻳﻪﻧﯩﻼ ﺟﯩﻨﺴﻰ ﻣﯘﻧﺎﺳﯩﯟﻩﺗﺘﯩﻦ ﺗﺎﺭﻗﯩﺘﯩﯟﺍﺗﻘﺎﻧﻼﺭ، ﺑﯩﻠﻤﻪﻱ ﺗﺎﺭﻗﯩﺘﯩﯟﺍﺗﻘﺎﻧﻼﺭ، ﺑﯩﻠﯩﭗ ﺗﯘﺭﯗﭖ ﺗﺎﺭﻗﯩﺘﯩﯟﺍﺗﻘﺎﻧﻼﺭ، ﻳﯘﻗﯘﺩﯨﻐﺎﻧﻠﯩﻘﯩﻨﻰ ﺑﯩﻠﻤﻪﻱ ﺗﯘﺭﯗﭖ ﻳﯘﻗﺘﯘﺭﯨﯟﺍﺗﻘﺎﻧﻼﺭ، ﻳﯘﻗﯘﺩﯨﻐﺎﻧﻠﯩﻘﯩﻨﻰ ﺑﯩﻠﯩﭗ ﺗﯘﺭﯗﭖ ﭘﻪﺭﯞﺍﺳﯩﺰﻟﯩﻖ ﺑﯩﻠﻪﻥ ﻳﯘﻗﺘﯘﺭﯨﯟﺍﺗﻘﺎﻧﻼﺭ، ﻳﯘﻗﺘﯘﺭﯨﯟﺍﻟﻐﺎﻧﺪﯨﻦ ﻛﯩﻴﯩﻦ ﻧﯧﻤﻪ ﺑﻮﻟﺴﺎﻡ ﺑﻮﻻﺭﻣﻪﻥ، ﺑﺎﺷﻘﺎ ﻛﻪﻟﮕﻪﻧﻨﻰ ﻛﯚﺭﻩﺭﻣﻪﻥ ﺩﻩﭖ ﺑﯩﻐﻪﻣﻠﻪﺭﭼﻪ ﻳﯜﺭﯨﯟﺍﺗﻘﺎﻧﻼﺭ، ﻳﯘﻗﯘﻣﻼﻧﻐﺎﻧﻠﯩﻘﯩﻨﻰ ﺑﯩﻠﮕﻪﻧﺪﯨﻦ ﻛﯩﻴﯩﻦ ﻳﯘﻗﺘﯘﺭﻏﯘﭼﯩﻐﺎ ﻏﻪﺯﻩﭘﻠﯩﻨﯩﭗ، ﻧﯧﻤﻪ ﻗﯩﻼﺭﯨﻨﻰ ﺑﯩﻠﻤﻪﻱ ﺋﯜﻣﯩﺪﺳﯩﺰﻟﯩﻨﯩﭗ ﭼﯜﺷﻜﯜﻧﻠﯩﺸﯩﭗ ﻛﯩﺘﯩﯟﺍﺗﻘﺎﻧﻼﺭ، ﻳﯘﻗﯘﻣﻼﻧﻐﺎﻧﺪﯨﻦ ﻛﯩﻴﯩﻦ ﺑﺎﺷﻘﯩﻼﺭﺩﯨﻦ، ﺟﻪﻣﯩﻴﻪﺗﺘﯩﻦ ﺋﺎﻏﺮﯨﻨﯩﭗ ﻳﯜﺭﮔﻪﻧﻠﻪﺭ، ﻳﯘﻗﯘﻣﻼﻧﻐﺎﻧﺪﯨﻦ ﻛﯩﻴﯩﻦ ﺋﯚﺯﯨﺪﯨﻦ ﺋﺎﻏﺮﯨﻨﯩﭗ، ﺭﻭﮪﻰ ﭼﯜﺷﯜﭖ «ﺋﯚﻟﻤﻪﻛﻨﯩﯔ ﺋﯜﺳﺘﯩﮕﻪ ﺗﻪﭘﻤﻪﻙ» ﮪﺎﻟﯩﻐﺎ ﭼﯜﺷﯜﭖ ﻗﺎﻟﻐﺎﻧﻼﺭ، ﻳﯘﻗﯘﻣﻼﻧﻐﺎﻧﺪﯨﻦ ﻛﯩﻴﯩﻦ ﺑﺎﺭ ﺋﺎﻣﺎﻟﻼﺭ ﺑﯩﻠﻪﻥ ﺩﺍﯞﺍﻟﯩﻨﯩﺶ ﻳﻮﻟﯩﻨﻰ ﻗﯩﻠﯩﯟﺍﺗﻘﺎﻧﻼﺭ، ﻳﯘﻗﯘﻣﻼﻧﻐﺎﻧﺪﯨﻦ ﻛﯩﻴﯩﻦ ﺋﺎﺩﻩﻡ ﺑﺎﺷﻘﺎ ﻛﯧﺴﻪﻟﻠﯩﻜﻠﻪﺭ ﺑﯩﻠﻪﻧﻤﯘ ﺋﯚﻟﯜﭖ ﻛﯧﺘﯩﺪﯗ، ﺷﯘﻧﺪﺍﻗﻼ ﺋﺎﺩﻩﻡ ﺋﺎﺧﯩﺮﻯ ﺋﯚﻟﯜﭖ ﻛﯧﺘﯩﺪﯗ ﺩﻩﭖ ﻗﺎﺭﺍﭖ، ﺋﯜﻣﯩﺪﯞﺍﺭﻟﯩﻖ ﺑﯩﻠﻪﻥ ﺋﻪﻳﺪﯨﺰﮔﻪ ﺑﻮﺯﻩﻙ ﺑﻮﻟﻤﺎﻱ ﻳﺎﺷﺎﯞﺍﺗﻘﺎﻧﻼﺭ... ﺩﯦﮕﻪﻧﺪﻩﻙ ﺋﻪﻳﺪﯨﺰﮔﻪ ﭘﯘﺗﻼﺷﻘﺎﻥ ﺋﺎﺩﻩﻣﻠﻪﺭ ﺧﯩﻠﻤﯘ-ﺧﯩﻞ ﮪﺎﻟﻪﺗﺘﻪ ﻳﯜﺭﯛﺷﻤﻪﻛﺘﻪ. ﺋﻪﻳﺪﯨﺰ ﺑﯩﺮ ﺋﺎﺩﻩﻣﻨﯩﯔ ﺟﯩﺴﻤﯩﻐﺎ ﭼﺎﭘﻼﺷﻘﺎﻧﺪﯨﻦ ﻛﯩﻴﯩﻦ، ﺩﯨﻘﻘﯩﺘﯩﻨﻰ، ﭘﯩﺴﺨﯩﻜﯩﺴﯩﻨﻰ ﻗﺎﻻﻳﻤﯩﻘﺎﻥ ﻗﯩﻠﯩﭗ، ﺋﻪﻳﺪﯨﺰ ﺷﯘ ﺋﺎﺩﻩﻣﻠﻪﺭﺩﯨﻦ ﻣﯘﮪﯩﻢ ﺋﻮﺭﯗﻧﻐﺎ ﭼﯩﻘﯩﯟﺍﻟﻤﺎﻗﺘﺎ. ﺋﻪﻣﻪﻟﯩﻴﻪﺗﺘﻪ، ﺋﺎﺩﻩﻡ ﺋﻪﻳﺪﯨﺰﺩﯨﻦ ﻣﯘﮪﯩﻢ ﺋﻮﺭﯗﻧﺪﺍ ﺗﯘﺭﺍﺗﺘﻰ. ﺷﯘﯕﺎ، ﺋﻪﻳﺪﯨﺰ ﻳﯘﻗﯘﻣﺪﺍﺭﻟﯩﺮﻯ ﺋﻪﻳﺪﯨﺰﮔﻪ ﺑﻮﺯﻩﻙ ﺑﻮﻟﻤﯩﺴﯩﻤﯘ ﺑﻮﻻﺗﺘﻰ.

ﭼﯜﻧﻜﻰ، ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻐﯘﭼﻰ ﺋﻪﻳﺪﯨﺰﻧﻰ ﻣﯩﯔ ﺧﯩﻴﺎﻝ ﻗﯩﻠﺴﯩﻤﯘ، ﺋﻪﻳﺪﯨﺰ ﺑﻪﺭﯨﺒﯩﺮ ﺑﺎﺷﻘﯩﭽﻪ ﺑﻮﻟﯘﭖ ﻗﺎﻟﻤﺎﻳﺪﯗ. ﺋﻪﻳﺪﯨﺰ ﯞﯨﺮﯗﺳﻰ ﺋﯚﺯﯨﻨﯩﯔ ﺋﺎﻻﮪﯩﺪﯨﻠﯩﻜﻰ ﺑﻮﻳﯩﭽﻪ ﻣﻪﯞﺟﯘﺗﻠﯩﻘﯩﻨﻰ ﺳﺎﻗﻼﻳﺪﯗ. ﭘﻪﻗﻪﺕ ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻐﯘﭼﯩﺪﯨﻼ ﺩﻩﺭﺕ-ﺋﻪﻟﻪﻡ، ﺋﯩﮕﯩﺰ-ﭘﻪﺳﻠﯩﻚ ﻛﯚﭖ ﺑﻮﻟﯘﭖ ﻛﯧﺘﯩﺪﯗ.
ﺋﻪﻳﺪﯨﺰ ﺋﻪﻳﺪﯨﺰﺩﯨﻦ ﺧﻪﯞﻩﺭﺩﺍﺭ، ﺋﻪﻳﺪﯨﺰﻧﯩﯔ ﻳﯘﻗﯘﺵ ﻳﻮﻟﻠﯩﺮﯨﻐﺎ ﮪﯘﺷﻴﺎﺭ ﺗﯘﺭﯨﺪﯨﻐﺎﻥ، ﺋﯚﺯ ﺟﯩﺴﻤﯩﻨﯩﯔ ﻗﻪﺩﯨﺮ-ﻗﯩﻤﻤﯩﺘﯩﻨﻰ، ﮪﺎﻳﺎﺗﯩﻨﯩﯔ ﻣﻪﻗﺴﻪﺕ-ﻣﯘﺩﺩﯨﺌﺎﺳﯩﻨﻰ ﭼﯜﺷﯜﻧﯩﺪﯨﻐﺎﻥ، ﺑﯩﻜﯩﺮﯨﻐﺎ-ﺯﯙﺭﯛﺭﯨﻴﻪﺗﺴﯩﺰ ﺗﯘﻏﯘﻟﻤﯩﻐﺎﻧﻠﯩﻘﯩﻨﻰ ﺑﯩﻠﯩﭗ ﻳﯩﺘﯩﭗ ﺋﯘﻧﺘﯘﻟﯘﭖ ﻗﺎﻟﻤﺎﻳﺪﯨﻐﺎﻥ، ﺋﻪﺧﻼﻗﻘﺎ، ﺳﺎﻻﻣﻪﺗﻠﯩﻜﻜﻪ، ﭘﺎﻛﯩﺰﻟﯩﻘﻘﺎ ﮪﯚﺭﻣﻪﺕ ﻗﯩﻠﯩﺪﯨﻐﺎﻥ، ﮪﺎﻳﺎﺗﻠﯩﻘﺘﯩﻜﻰ ﻗﯩﻤﻤﻪﺗﻠﯩﻚ ﺋﺎﺭﺯﯗ-ﺋﺎﺭﻣﺎﻧﻠﯩﺮﯨﻨﻰ ﺋﻪﻣﻪﻟﮕﻪ ﺋﺎﺷﯘﺭﯨﺪﯨﻐﺎﻥ ﺷﻪﺭﺕ-ﺋﺎﺳﺎﺳﻠﯩﺮﯨﻨﻰ ﻣﯩﻨﯘﺕ-ﺳﯩﻜﯘﻧﺖ ﺋﯧﺴﯩﺪﻩ ﭼﯩﯔ ﺗﯘﺭﯨﺪﯨﻐﺎﻥ، ﺟﯜﻣﻠﯩﺪﯨﻦ ﺋﻪﻳﺪﯨﺰﻧﯩﯔ ﮪﻪﺭ ﺧﯩﻞ ﻳﯘﻗﯘﺵ ﻳﻮﻟﻠﯩﺮﯨﻐﺎ ﮪﻪﺭﻗﺎﭼﺎﻥ ﺳﻪﮔﻪﻙ ﺗﯘﺭﺍﻻﻳﺪﯨﻐﺎﻥ ﻛﯩﺸﯩﻠﻪﺭﮔﻪ ﺋﺎﺳﺎﺳﻪﻥ ﻳﯧﻘﯩﻦ ﻳﻮﻟﯩﻴﺎﻟﻤﺎﻳﺪﯗ. ﺋﻪﻣﻤﺎ، ﺩﻩﻝ ﺑﯘﻧﯩﯔ ﺋﻪﻛﺴﯩﭽﻪ ﻛﯩﺸﯩﻠﻪﺭﮔﻪ ﺋﻪﻳﺪﯨﺰﻧﻰ ﺋﺎﺳﺎﻥ ﭼﺎﭘﻼﺷﻤﺎﻳﺪﯗ ﺩﯦﮕﯩﻠﻰ ﺑﻮﻟﻤﺎﻳﺪﯗ. ﭼﯜﻧﻜﻰ، ﺋﻪﻳﺪﯨﺰ ﻧﯩﺸﺎﻥ ﺋﯩﺰﺩﻩﻳﺪﯗ، ﺋﻪﻳﺪﯨﺰﮔﻪ ﭘﯩﺴﻪﻧﺖ ﻗﯩﻠﻤﺎﻳﺪﯨﻐﺎﻥ ﻛﯩﺸﯩﻠﻪﺭﮔﻪ ﺋﻪﻳﺪﯨﺰ ﺩﻩﻝ ﺋﻪﻛﺴﯩﭽﻪ ﺋﺎﻣﺮﺍﻕ ﻛﯧﻠﯩﺪﯗ. ﺑﯘﻧﻰ ﻗﺎﺗﻨﺎﺵ ﻗﺎﺋﯩﺪﯨﺴﯩﮕﻪ ﺭﯨﺌﺎﻳﻪ ﻗﯩﻠﻤﺎﻳﺪﯨﻐﺎﻥ ﺷﻮﭘﯘﺭﻻﺭﻧﯩﯔ ﺋﺎﺳﺎﻥ ﻗﺎﺗﻨﺎﺵ ﮪﺎﺩﯨﺴﯩﺴﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﯩﻨﯩﺪﻩﻙ ﮪﻪﻡ ﻗﺎﺋﯩﺪﻩ ﺑﻮﻳﯩﭽﻪ ﻳﻮﻟﺪﯨﻦ ﺋﯚﺗﻤﻪﻳﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﺋﺎﺳﺎﻥ ﻗﺎﺗﻨﺎﺵ ﮪﺎﺩﯨﺴﯩﺴﯩﮕﻪ ﺋﯘﭼﺮﯨﻐﯩﻨﯩﺪﻩﻙ ﺑﯩﺮ ﺋﯩﺶ ﺩﻩﭖ ﻗﺎﺭﯨﺴﺎﻕ ﺑﻮﻟﯩﺪﯗ.