جىگەر ياخشىمۇ؟ بۇ 4 يەرگە قاراپلا بىلەلەيسىز

سەھىپە: ساقلىق | مەنبە: ئەلداۋا ساغلاملىق تورى | ۋاقتى: 2017/06/06 | كۆرۈلۈشى: قېتىم
ماتېرىيال تەييارلىغۇچى: eldawa03 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 03

جىگەرنىڭ سالامەتلىككە بولغان رولى ناھايىتى مۇھىم، لېكىن كۈندىلىك تۇرمۇشىمىزدا ياخشى بولمىغان ئادەتلەر سەۋەبىدىن، مەسىلەن دائىم كېچىسى ئۇخلىماي تۈنەش، ھاراق ئىچىش، تاماكا چېكىش قاتارلىقلار،ئۇنىڭغا قوشۇلۇپ ياخشى بولمىغان ئوزۇقلىنىش ئادەتلىرى، مەسىلەن گۆشلەرنى كۆپ ئىستېمال قىلىش، تويغىنىنى بىلمەي كۆپ يەپ-ئىچىش قاتارلىقلارنىڭ ھەممىسى جىگەرگە زىيانلىق، ئۇنداقتا، جىگەرنىڭ ساغلام ياكى ساغلام ئەمەسلىكىگە قانداق ھۆكۈم قىلىمىز؟ تۆۋەندە، ئەلداۋا كىچىك تەھرىرى سىزگە بۇ 4 يەرگە قاراپلا جىگەرنىڭ ئەھۋالىغا ھۆكۈم قىلىشنى ئۆگىتىپ قويىدۇ.
1. ئېغىزغا قاراش

دائىم ئېغىز قۇرۇش، بەتتام ياكى بەك چۈچۈمەل بولۇپ قېلىش، بەزى چاغلاردا ئېغىزى پۇراش قوشۇلۇپ كېلىش قاتارلىقلار نۇرغۇن ئادەمدە كۆرۈلىدىغان ئەھۋال بولۇپ، ھەممىسى ئادەمنى بىئارام قىلىدىغان ۋە ئوڭايسىزلاندۇرىدىغان ئەھۋاللار. بۇلار سىزگە شۇنى ئەسكەرتىپ تۇرىدۇكى، جىگەرنىڭ ئىسسىقلىقى ئېشىپ كېتىپتۇ، ئىسسىقلىقنى ياندۇرۇڭ.
2. تېرىگە قاراش

تېرىڭىزنىڭ رەڭگىنى كۆزىتىپ بېقىڭ، ئەگەر تۇتۇق، تۈنىمىگەن ئەھۋال ئاستىدا كۆزنىڭ تۆت ئەتراپى قارىداش قاتارلىقلار جىگەردە كېسەللىك كۆرىلىۋاتقانلىقىدىن دېرەك بېرىدۇ، ئەگەر تېرە سارغايغان بولسا جىگەر ياللۇغىغا گىرىپتار بولغان بولۇشىڭىز مۇمكىن.
3. بېگىز بارماققا قاراش

قول بارماقلىرى ۋە ئالىقاندىن بەدەننىڭ ئىچكى ئەزالىرىنىڭ ساغلاملىقىنى بىلگىلى بولىدۇ. بېگىز بارماقتىن جىگەرنىڭ ئەھۋالىنى بىلگىلى بولىدۇ. ئەگەر بېگىز بارماقنىڭ ئېلاستىكلىقى كۈچلۈك بولسا جىگەر ساغلام بولىدۇ، ئەگەر بېگىز بارماق تاتىراڭغۇ، مايماق بولسا جىگەر ئىقتىدارى ناچار بولىدۇ.
4. تىلغا قاراش

تىلنىڭ قېلىنراپ كېتىشىمۇ جىگەر ساغلاملىقىنىڭ ئۆلچىمى. ساغلام بولغان تىلنىڭ رەڭگى سۇس قىزىل بولىدۇ ھەمدە ئىچكى ئەزالارنىڭمۇ ساغلام ئىكەنلىكىدىن بېشارەت بېرىدۇ.
ئەگەر تىل قېلىنراپ ئاقىرىپ كەتكەن بولسا، جىگەر ۋە ئاشقازاننىڭ ئىسسىقى ئېشىپ كەتكەن بولىدۇ، ۋاقتىدا بەدەندىكى زەھەرنى ھەيدەپ، ئىسسىقنى قايتۇرۇش لازىم.
جىگەرنى قانداق ئاسراش كېرەك؟
1. ھاراقنى ئاز ئىچىش كېرەك

2. مۇۋاپىق چېنىقىش كېرەك

3. ئوزۇقلۇقنى ياخشى تەڭشەش كېرەك

4. ئىسسىق ياندۇرىدىغان چايلارنى ئىچىپ بېرىش كېرەك

5. كەيپىياتنى ياخشى تۇتۇش كېرەك
6. جىگەرنىڭ زەھەر ھەيدەيدىغان پەللىسىنى ئۇۋۇلاپ بېرىش

7. بالدۇر ئۇخلاش

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر