نېمىشقا بەزىلەر كۈندە چېنىقسىمۇ ئورۇقلىيالمايدۇ؟

سەھىپە: ساقلىق | مەنبە: ئەلداۋا ساغلاملىق تورى | ۋاقتى: 2017/06/12 | كۆرۈلۈشى: قېتىم
ماتېرىيال تەييارلىغۇچى: eldawa03 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 03

نېمىشقا بەزىلەر كۈندە چېنىقسىمۇ ئورۇقلىيالمايدۇ؟ بۇ سوئالنىڭ جاۋابى خاتا چۈشىنىش بولسا كېرەك، چۈنكى كىشىلەر ھەرىكەت داۋامىدا مۇنداق خاتالىقلاردىن خالىي بولالمايدۇ:


1. خاتا قاراش: ھەرىكەتتىن كېيىن قانچىلىك يېسە بولىدۇ
مەيلى ئورۇقلاش ياكى بەدەن گۈزەللەشتۈرۈش بولسۇن، ھەممىسىدە «ئۈچ ئۈلۈش چېنىقىش، يەتتە ئۈلۈش تاماق يېيىش» پىرىنسىپى يەنىلا ئىنتايىن مۇھىم ئورۇندا تۇرىدۇ، دېمەك، ساغلام تاماقلىنىش يەنىلا ئورۇقلاشنىڭ ئاساسى.
توغرا ئۇسۇل: ھەرىكەت قىلغاندا ئاقسىل، ياغ، كاربونلۇق سۇ بىرىكمىسى، كۆكتات ۋە مېۋىنى مۇۋاپىق يېيىش تولىمۇ زۆرۈر، بىراق ياغدا پىشۇرۇلغان يېمەكلىك، ئۇن تاماق ۋە تاتلىق يېمەكلىكتىن يىراق تۇرۇش كېرەك.
2. خاتا قاراش: نەچچە كۈن چېنىقىپلا نەتىجىسىنى ئىزدەش.

بەدەن شەكلىنى بەرپا قىلىش ئۇزاققا سوزۇلىدىغان جەريان، ئادەتتە بىر ھەپتىدە 500 گىرام ئورۇقلاش ئىنتايىن نورمال تەرەققىيات.
توغرا ئۇسۇل: ئەگەر سىز چېنىقىش يولىغا يېڭى كىرگەن بولسىڭىز، يوق دېگەندىمۇ ئۈچ ھەپتە توختاپ قالـماي چېنىقىڭ، شۇندىلا ئازراق ئۈنۈمگە نائىل بولىسىز. دېمەك، قەتئىي داۋام قىلىش ئەڭ مۇھىم.
3. خاتا قاراش: چېنىقىدىغان بولغاندىكىن، ئادەتتىكى ۋاقىتتا ئاز ھەرىكەت قىلسىمۇ بولىدۇ
ئەگەر ئادەتتە قىلمىغان ھەرىكەتنىڭ ئورنىنى بىراقلا كۆپ ھەرىكەت قىلىپ تولۇقلاشقا ئۇرۇنسا، ئۇنداقتا كۈندە خورايدىغان ئېنېرگىيە ئازىيىپ كېتىدۇ، بۇنىڭ بىلەن ئادەم چېنىقمىغان بولۇپ قالىدۇ.
توغرا ئۇسۇل: ئادەتتە ئۆرە تۇرۇپ خىزمەت قىلىش، ھېچ بولمىسا ئارىدا ئارام ئېلىپ، ئورۇندۇقتىن يىراقلىشىش، ئەتراپتا ئانچە - مۇنچە ھەرىكەت قىلىپ، ھەرىكەتنى تۇرمۇشنىڭ ھەممىلا باسقۇچىغا سىڭدۈرۈش كېرەك.
ئەڭ ياخشى ئورۇقلاش ۋاقتى
سائەت 6:00 دىن 8:00 گىچە: بىنادىن چۈشۈپ سەيلە قىلىڭ. ئورۇندىن تۇرغاندىن كېيىنكى يېرىم سائەت ئىچىدە چوقۇم ھەرىكەت قىلىش. سەھەردە چېنىقىش بەدەندىكى ياغنى پارچىلاشنىڭ ئەڭ ئۈنۈملۈك ئۇسۇلى، بۇ مەزگىلدە سىرتتا ھەرىكەت قىلىشنىڭ ئۈنۈمى يۇقىرى بولىدۇ. سەھەردە سالمىقى كۈچلۈك ھەرىكەت قىلىش بىھاجەت، مەھەللىنى بىر نەچچە نۆۋەت ئايلانسىلا بولىدۇ.
سائەت 7:00 دىن 9:00 غىچە: ئىككى ئىستاكان سۇ ئىچىڭ. ئورۇندىن تۇرغاندىن كېيىن ئىككى ئىستاكان (ھەربىر ئىستاكاندا 227 مىللىلىتىر سۇ بولسۇن) ئىچىۋەتسە، سۇ ئىچمىگەن ئادەمگە قارىغاندا، ھەر ئايدا 2.5 گىرام كۆپ ئورۇقلىغىلى بولىدۇ.
سائەت 10:00 دىن 11:00 گىچە: بىر ئىستاكان ئىسسىق چاي ئىچىش. بۇ چاغدا قورساق ئېچىش ئەمەلىيەتتە چاڭقاشنىڭ بېشارىتى بولۇشى مۇمكىن، بۇنداق چاغدا ئىسسىق بىر ئىستاكان چاي ياكى قەھۋە ئىچسە، ئادەم چاڭقاشقا خاتىمە بېرىپلا قالماستىن، يەنە ئۇزاققىچە قورسىقى ئاچمىغاندەك تۇيغۇدا بولىدۇ.
سائەت 14:00 تە ئازراق ئۇخلىۋېلىش. چۈشتە 15 مىنۇتتىن 20 مىنۇتقىچە ئۇخلاش بەدەننىڭ قۇۋۋىتىنى تېز ئەسلىگە كەلتۈرۈپلا قالماستىن، يەنە كەچلىك ئۇيقۇنىڭ سۈپىتىگە تەسىر كۆرسىتىپ، ماددا ئالمىشىشنى ئىلگىرى سۈرىدۇ.
سائەت 15:00 تىن 19:00 غىچە: كەچلىك تاماق يېيىش. يېرىم كېچىدە قورساق ئىچىپ ئويغىنىپ كەتمەسلىككە كاپالەتلىك قىلىش ئۈچۈن، كەچلىك تاماققا ئازراق ساغلام ياغلىق يېمەكلىك قوشۇشقا توغرا كېلىدۇ. مەسىلەن: زىغىر يېغى ياكى بېلىق يېغى دېگەندەك.
سائەت 16:00 دىن 20:00 گىچە: ئازراق ئوكسىگېنلىق ھەرىكەت قىلىش. بۇ چاغدا بەدەننىڭ فۇنكسىيەلىك ئىقتىدارى ئەڭ ياخشى مۇقامغا يېتىدۇ، مۇسكۇلنى كۈچلەندۈرىدۇ، شۇڭا كۈچ مەشىقى قىلىش ۋە كۈچ مەشىقى قىلىشنىڭ ئەڭ ياخشى پەيتى.
سائەت 20:00 دىن 21:00 گىچە: بىر ئىستاكان قېتىق ئىچىش.ئۇخلاشتىن بۇرۇن ئازراق ياغسىز قېتىق ئىچىپ بەرسە، شۇنىڭدىن كېيىن بولىدىغان تاماق ئازايتىش تەييارلىقىنى پۈتتۈرۈپلا قالـماستىن، يەنە مېڭىنىڭ مۇناسىۋەتلىك ھورمۇننى يېتەرلىك دەرىجىدە ئاجرىتىشىغا تۈرتكە بولۇپ، ئۇيقۇ سۈپىتىنى ياخشىلاش مەقسىتىنى ئەمەلگە ئاشۇرغىلى بولىدۇ.
سائەت 21:00 دىن 22:00 گىچە: «توك مەنبەسىنى ئۈزۈش». سائەت 21:00 دىن كېيىن، تېلېۋىزور، كومپيۇتېر ۋە يان تېلېفوندىن يىراقلىشىش زۆرۈر، چۈنكى ئۇلاردىن چىققان نۇر ئۇيقۇ سۈپىتىگە زىيان سالىدۇ. ئۇخلاشتىن بۇرۇن كىتاب ئوقۇش، يۇيۇنۇش ياكى ھۇجرا ئۆينىڭ چىراغ نۇرىنى تەڭشەش ئەڭ توغرا ئۇسۇل.
سائەت 21:00 دىن 23:00 كىچە: ئۇخلاش تەييارلىقى قىلىش. كۈندە بەلگىلىگەن ۋاقىتتا يېتىش ياكى بەلگىلىگەن ۋاقىتتا ئورۇندىن تۇرۇش تېخىمۇ يۇقىرى ئۇخلاش سۈپىتىگە كاپالەتلىك قىلىدۇ، بۇنىڭ بىلەن ئورۇقلاش پىلانىمۇ مۇۋەپپەقىيەتلىك ئەمەلگە ئاشىدۇ.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر