بىر تەتقىقات گۇرۇپپىسى پۈتۈن مەملىكەتتىكى 9 ئۆلكە-رايوندا 18-0 ياشتىكى بالىلارنىڭ ئۇيقىسىنى مەركەز قىلغان، ھازىرغا قەدەر كۆلىمى ئەڭ چوڭ بولغان ئېپىدېمىئولوگىيە تەتقىقاتىنى ئېلىپ بارغان بولۇپ، جەمئىي 30250 نەپەر بالىنى تەكشۈرگەن.

تەكشۈرۈشكە قارىغاندا، دۆلىتىمىزدىكى بالىلارنىڭ ئۈچتىن بىرىدىن كۆپرەكىدە ئۇيقۇ قانۇنىيەتسىز بولۇش ياكى ياخشى بولمىغان ئۇخلاش ئادىتى بولۇش قاتارلىقلار ئەھۋاللار بار ئىكەن. بالىلار ۋە ياش-ئۆسمۈرلەرنىڭ ئۇيقۇسىنىڭ يېتەرلىك بولماسلىق مەسىلىسى ئۇلار ئوقۇش يېشىغا توشقاندىن باشلاپ ياشنىڭ ئېشىشىغا ئەگىشىپ كۈنسېرى ئېغىرلاپ بارغان. بالىلارنىڭ ئوتتۇرا ھېساپ بىلەن ھەر كۈنلۈك ئۇخلاش ۋاقتى باشلانغۇچ مەكتەپ ئوقۇغۇچىلىرىنىڭ 9.2 سائەت، تولۇقسىز ئوتتۇرا مەكتەپ ئوقۇغۇچىلىرىنىڭ 8.1 سائەت، تولۇق ئوتتۇرا مەكتەپ ئوقۇغۇچىلىرىنىڭ 7.1 سائەت بولغان. دۆلىتىمىز ئېلان قىلغان «ئوقۇغۇچىلار ساغلاملىقى ۋە سەھىيە خىزمىتى نىزامى» دا بېكىتىلگەن ئوتتۇرا- باشلانغۇچ مەكتەپ ئوقۇغۇچىلىرىنىڭ ئۇيقۇ ئۆلچىمىگە ئاساسەن ھېسابلانغان نەتىجىدە كۆرسىتىلىشىچە، %70 تىن ئارتۇق ئوتتۇرا-باشلانغۇچ مەكتەپ ئوقۇغۇچىلىرىنىڭ ئۇيقۇسى يېتەرلىك ئەمەسلىكى مەلۇم بولغان. ئامېرىكا، ئىتالىيە، شىۋىتسارىيە قاتارلىق دۆلەتلەردىكى ئوخشاش ياشتىكى بالىلارغا سېلىشتۇرغاندا، دۆلىتىمىزدىكى بالىلارنىڭ ئوتتۇرا ھېساپ بىلەن ھەر كۈنلۈك ئۇخلاش ۋاقتى 40-50 مىنۇت ئاز بولۇپ، تولۇق ئوتتۇرا مەكتەپكە چىققاندا بۇخىل پەرق 1 سائەتتىن ئېشىپ كەتكەن.

بالىلارنىڭ ئۇيقۇسىغا تەسىر كۆرسىتىدىغان خەتەرلىك ئامىللار قايسى؟ (كېيىنكى بەتكە قاراڭ!)