بالىلارنى نابۇت قىلىدىغان ناچار ئائىلە مۇھىتى

سەھىپە: بالىلار | مەنبە: ئەلداۋا ساغلاملىق تورى | ۋاقتى: 2017/03/11 | كۆرۈلۈشى: قېتىم
ماتېرىيال تەييارلىغۇچى: eldawa02 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 02

بىر دائىم سەبىي بالىلارنى ئاق قەغەزگە ئوخشىتىمىز، شۇنداق بولغانىكەن، ئالدى بىلەن بالىنىڭ تۇنجى ئۇستازى بولغان ئاتا-ئانىلار بۇ ئاق قەغەزگە دۇنيادىكى ئەڭ گۈزەل شەيئىلەرنى سىزىشىمىز كېرەك، ئەلۋەتتە. بىراق قىسمەن ئاتا-ئانىلار بۇ ئاق قەغەزگە نېمىلەرنى سىزىۋاتىدۇ؟ بالىلار ئۈچۈن تۇنجى مەكتەپ بولغان ئائىلىدە ئۇلارغا قانداق ساۋاق بېرىۋاتىدۇ؟ ئەپسۇس، بىر قىسىم ئائىلىلەردىكى ناچار مۇھىت بالىلارنىڭ ساغلام ئۆسۈپ يېتىلىشىگە سەلبىي تەسىر كۆرسىتىۋاتىدۇ. ئاتا-ئانىلارنىڭ تىل ئادىتى بالغا چوڭقۇر تەسىر بېرىدۇ. قىسمەن ئاتا-ئانىلار بالىنىڭ ئالدىدا گەپ-سۆزدىكى مەدەنىيلىككە ئېتىبار بەرمەيدۇ، قوپال، سەت گەپلەرنى قىلىشنىڭ بالىلارغا ئېلىپ كېلىدىغان يامان تەسىرىنى ئويلاپمۇ قويمايدۇ، ھەتتا بالىلىرىنى سەت، قوپال ئىبارىلەر بىلەن دۈشكەلەيدۇ. بۇنداق تىلدىكى قوپاللىق خۇددى ۋىرۇستەك بالىلارنىڭ سەبىي دىلىنى زەھەرلەيدۇ. ئەر-ئايال ئوتتۇرىسىدا ئەگەر دائىم ئىناقسىزلىق كەيپىياتى داۋام ئەتسە، بۇ ئائىلىدىكى بالىلارنىڭ جىسماني ۋە روھىي ساغلاملىقى ئېغىر دەرىجىدە نابۇت بولىدۇ، چۈنكى بۇنداق ئائىلىدە بالىلار ئاسانلا تەبىئىي شوخلۇقلىرىدىن مەھرۇم قالىدۇ، ھەتتا ئۇلارنىڭ ئوزۇقلىنىش، ئارام ئېلىش، ئۆگىنىش، ئويناش قاتارلىق پائالىيەتلىرىمۇ ئوخشاشمىغان دەرىجىدە تەسىرگە ئۇچرايدۇ. ئادەتتە قىمسەن ئاتا-ئانىلارنىڭ نەزىرىدە خىلمۇ خىل ناچار ئادەتلىرى ئادەتتىكى ئىشتەك بىلىنىدۇ، ئەمەلىيەتتە بۇنىڭ شۇ ئائىلىدىكى بالىلارنىڭ نورمال ئۆسۈپ يېتىلىشىگە كۆرسىتىدىغان پاسسىپ تەسىرىنى مۆلچەرلەش قىيىن. بالىلار ئاتا-ئانىلاردىكى ھۇرۇنلۇق، بوشاڭلىق، تازىلىققا ئېتىبار بەرمەسلىك قاتارلىق ئىللەتلەرنى ئاستا-ئاستا ئۆزىگە سىڭدۈرۈۋالىدۇ. يىغىپ ئېيتقاندا، بالىلارنىڭ ناچار ئادەتلىرى يەنىلا ئۆسۈپ يېتىلىۋاتقان ئائىلىسىنى مەنبە قىلىپ تەرەققىي قىلىدۇ. تەتقىقاتلار شۇنى ئىسپاتلىدىكى، نۆۋەتتە بالىلار دۇنياسىدا يامراۋاتقان چېكىملىككە، ئىچىملىككە، قىمارغا ... بېرىلىشتەك يامان ئادەتلەرنىڭ بىرىنچى مەنبەسى ئانىلارنىڭ يوغانچىلىق، يالغانچىلىق، شەخسىيەتچىلىك ۋە ھەسەتخورلۇق ئىللەتلىرى خۇددى ۋىرۇستەك سەبىيلەرنىڭ پاك قەلبىنى، ئاق قەغەزدەك ئىچكى دۇنياسىنى زەھەرلەپ نابۇت قىلىدىكەن.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر