بالىلاردىكى بويۇن ئومۇرتقا كېسەللىكىنى ئائىلىدە داۋالاش

سەھىپە: بالىلار | مەنبە: ئەلداۋا ساغلاملىق تورى | ۋاقتى: 2017/03/19 | كۆرۈلۈشى: قېتىم
ماتېرىيال تەييارلىغۇچى: eldawa02 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 02

بويۇن ئومۇرتقا كېسەللىكى ياشانغانلار كېسەللىكى تۇرسا نېمە ئۈچۈن بالىلارمۇ بويۇن ئومۇرتقا كېسەللىكىگە گىرىپتار بولىدۇ؟

ئەمەلىيەتتە بويۇن ئومۇرتقا كېسەللىكى ياشانغانلارغا نىسبەتەن ئېيتقاندا كۆپىنچە ئومۇرتقا ئارىلىق تەخسىسى ئۆزگىرىش، سۆڭەك ماددىسى ئۆسۈشى سەۋەبىدىن يۈز بېرىدۇ. ئەمما، بالىلاردا بولسا تاشقى زەخمە ( باش قىسمى يەرگە تېگىش )، تۇرۇش ھالىتى توغرا بولماسلىق ( ئېڭىشىۋېلىش )، بەدەن ساپاسى ئاجىز بولۇش، كىتاب سالغان سومكىنىڭ بەك ئېغىر بولۇپ كېتىشى ئومۇمەن بويۇن ئومۇرتقا بوغۇمىنى قالايمىقانلاشتۇرۇۋېتىدۇ. بۇنىڭدا باش قېيىش، باش ئاغرىش، ساختا يىراقنى كۆرەلمەسلىك، تىنچ ئۇخلىيالماسلىق. دەرس ۋاقتىدا ئۈگدەش، ئارقا-ئارقىدىن ھېق تۇتۇش، ئىشتىھاسى تۇتۇلۇش قاتارلىق كېسەللىك ئالامەتلىرى كۆرۈلىدۇ، ھەتتا يېڭى تۇغۇلغان بوۋاقلاردىمۇ تۇغۇتتا زەخىملىنىشتىن تارتىشىش خاراكتېرلىك بويۇن مايماق بولۇپ قېلىش، ئەقلىي ئىقتىدارى ئاجىز بولۇش قاتارلىق كېسەللىك ئالامىتى كۆرۈلىدۇ. بويۇن ئومۇرتقىسىنىڭ ئاناتومىيەلىك فىزىيولوگىيەلىك تۈزۈلۈشى ئىنتايىن مۇرەككەپ بولغاچقا، ئاتا-ئانىلار يۇقىرىدا بايان قىلىنغان ئەھۋاللارغا يولۇققاندا ئۆزى بىر تەرەپ قىلماسلىقى، دوختۇرىانىنىڭ سۆڭەك بۆلۈمىگە ياكى سالامەتلىكنى ئەسلىگە كەلتۈرىدىغان فىزىكىلىق داۋالاش بۆلۈمىگە بېرىپ ئېنىق دىياگنوز قويدۇرۇشى، ھەرخىل ئەھۋاللارنى ( تۇبېركۇليۇز، ئۆسمە، تاشقى جاراھەت تارىخى بار بولغان سۆڭەك ئاجراش، چىقىپ كېتىش ) ئويلىشى لازىم. بويۇن ئومۇرتقا كىچىك بوغۇمى چىقىپ كېتىش ياكى ئومۇرتقا يېنىدىكى يۇمشاق توقۇلمىلار يېنىك دەرىجىدە زەخىملىنىش بولغانلىقى ئىسپاتلانسا تۆۋەندىكىدەك داۋالاش ئۇسۇلىنى قوللانسا بولىدۇ:
1)     بىمارلارنى گەجگىسىنى پەس قىلىپ تۈز ياتقۇزۇش، داۋالىغۇچى
كارىۋاتنىڭ يېنىدا ئولتۇرۇش، بىرقولى بىلەن بىمارنىڭ گەجگە قىسمىدىن تۇتۇش، يەنە بىر قولىدا ئۇنىڭ بوينىنىڭ ئارقىسىدىن تۆۋەندىن ئۈستىگە قاراپ گەجگە قىسمىنى ئارقىمۇ-ئارقىدىن 5 ~ 3 چىمداپ تۇتۇش، قولىنى ئالماشتۇرۇپ يەنە گەجگە قىسمىنى 5 ~ 3 قېتىم تۇتۇش لازىم.
2)     داۋالىغۇچى ئىككى قولى بىلەن بىمارنىڭ بېشىنى قۇچاقلاپ ( بىر
قولى بىلەن گەجگە قىسمىنى، يەنە قولى بىلەن تۆۋەنكى ئېڭەكنى ) تۇتۇپ باشنى كۆتۈرۈپ، دۈمبە قىسمىنى ئازراق كارىۋاتتىن بېرى قىلىپ يېنىك دەرىجىدە 3 ~ 2 قېتىم سىلكىپ يەنە ئىزىغا قويۇش لازىم. قولنى ئالماشتۇرۇپ ( ئەسلىدە ئاستىنقى ئېڭەكنى تۇتقان قول بىلەن گەجگە قىسمىنى تۇتىدۇ ) يۇقىرىدا بايان قىلىنغان ھەرىكەتنى قايتا-قايتا جەمئىي 4 قېتىم ئىشلەش لازىم.
3)     بىمارنى كارىۋاتتا دۈم ياتقۇزۇش، بېشى كارىۋاتنىڭ سىرتىدا
ساڭگىلاپ تۇرۇش، داۋالىغۇچى ئۇنىڭ بېشىنى تۇتۇپ، باش ۋە بويۇن قىسمىنى سول تەرەپكە 3 قېتىم، ئوڭ تەرەپكە 3 قېتىم ھەرىكەتلەندۈرگۈزۈش، ئاستىغا 3 قېتىم ساڭگىلىتىش، ئارقىغا 3 قېتىم كۆتۈرۈش ھەمدە قولنىڭ ياردىمىدە قىلالمىغان ھەرىكەتلەرنى تۈزىتىپ تولۇقلاش لازىم.
4)     بىمارنى كارىۋاتتا ئوڭدىسىغا ياتقۇزۇپ، ئىككى پۇتنى تېز
كۆتۈرۈپ ئاستا قويۇشنى 30 ~ 20 قېتىم ئىشلەش لازىم.
 

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر