بالىلاردىكى تەنھالىق كېسىلى،تۇغۇلغان پەسلى بىلەن مۇناسىۋەتلىكمۇ؟

سەھىپە: بالىلار | مەنبە: ئەلداۋا ساغلاملىق تورى | ۋاقتى: 2017/03/26 | كۆرۈلۈشى: قېتىم
ماتېرىيال تەييارلىغۇچى: eldawa02 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 02

تەنھالىقنى خالاش كېسىلى(ئائۇتىزم)ئادەمنىڭ قايسى پەسىلدە تۇغۇلۇشى بىلەن مۇناسىۋەتلىكمۇ؟ ئامېرىكا«يۇقۇملۇق كېسەللىكلەر تەتقىقاتى»ژۇرنىلى يېقىندا كالىفورنىيە ئۇنىۋېرسىتېتى تاماملىغان بىرتۈرلۈك تەتقىقات نەتىجىسىنى ئېلان قىلغان بولۇپ،ئۇنىڭدا كۆرسىتىلىشىچە قىش پەسلىدە تۇغۇلغان بالىلاردا تەنھالىقنى خالاش كېسىلىگە گىرىپتار بولۇش نىسبىتى بىرقەدەر يۇقىرى بولىدىكەن.
ئامېرىكا كالىفورنىيە ئۇنىۋېرسىتېتى دەيۋس مېدىتسىنا ئېنىستۇتىتىنىڭ تەتقىقاتچىلىرى ئالدىنقى ئەسىرنىڭ90-يىللىرىدىن ،مەزكۇر ئەسىرنىڭ دەسلەپكى ۋاقىتلىرى دائىرىسدە تۇغۇلغان 7مىليون بالىنىڭ تۇغۇلغانلىق ئىسپاتىغا ئاساسەن ئىنچىكە ئانالىز ئېلىپ بارغان .
نەتىجىدە ئاياللارنىڭ ھامىلدارلىق مەزگىلىدىكى پەسىل بىلەن بالىلارنىڭ تەنھالىقنى خالاش كېسىلىگە گىرىپتار بولۇشى زىچ مۇناسىۋەتلىك بولۇپ چىققان.
تەتقىقاتچىلار ئىنچىگە تەكشۈرۈش ئارقىلىق شۇنى بايقىغانكى،ئاياللارنىڭ ھامىلدارلىق مەزگىلى كۈز-قىش پەسلىدىن باش باھار پەسلىگىچە بولغان ئارىلىقتا بولسا ،تۇغۇلغان بالىلاردىكى تەنھالىقنى خالاش كېسىلىنىڭ نىسبىتى مۇشۇ لىنىيىنى بويلاپ تەدرىجى ئۆرلەپ بارغان.
7-ئايدا تۇغۇلغان بالىلارغا سېلىشتۇرغاندا ،3-ئايدا تۇغۇلغان بالىلارنىڭ كېيىنكى ۋاقىتلاردا تەنھالىقنى خالاش كېسىلىگە گىرىپتار بولۇپ خەۋپى %16يۇقىرى بولغان.
تەتقىقاتچىلارتەھلىلىگە قارىغاندا،يۇقۇمچان زۇكام قاتارلىق پەسىل خاراكتېرلىك كېسەللىك ۋىرۇسلارنىڭ تارقىلىشى قاتارلىق مۇھىت ئامىللىرى قىش پەسلىدە تۇغۇلغان بالىلارنىڭ كېينكى ۋاقىتلاردا تەنھالىقنى خالاش كېسەللىكىگە گىرىپتار بولۇپ قىلىشىنى پەيدا قىلىدىغان ئاساسى سەۋەبلەرنىڭ بىرى ئىكەن.
مەزكۇر تەتقىقات تۈرىنىڭ مەسئۇلى ئوۋسىنى.زىربونىڭ كۆرسىتىشىچە،ئىرق ۋەھامىلداربولغان يىل قاتارلىق باشقا ئامىللارنىمۇ تەتقىقات دائىرىسىگە كىرگۇزگەندىمۇ يۇقىرىقى تەتقىقات نەتىجىسى يەنىلا ئوخشاش بولغان.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر