ﺗﯚﻣﯜﺭ ﺋﺎﺩﻩﻡ ﺋﯜﭺ ﺗﯜﺭﻟﯜﻙ ﺗﻪﻧﮭﻪﺭﯨﻜﯩﺘﻰ ﺋﻪﻣﺪﯨﻼ 8 ﻳﺎﺷﻘﺎ ﻛﯩﺮﮔﻪﻥ ﺑﺎﻟﯩﻐﺎ ﻧﯩﺴﺒﻪﺗﻪﻥ ﺋﺎﺳﺎﻥ ﺋﯩﺶ ﺋﻪﻣﻪﺱ، ﺑﯩﺮﺍﻕ ﻣﺎﻟﺘﺎﺩﯨﻜﻰ ﺟﯧﻚ ﯞﯦﻠﻼ (Jake Vella)ﻏﺎ ﻧﯩﺴﺒﻪﺗﻪﻥ ﺑﯘ ﺋﺎﺩﺩﯨﻲ ﮪﻪﻡ ﻛﯚﯕﯜﻟﻠﯜﻙ ﺋﯩﺶ. ﺑﯘ ﺋﯘﻧﯩﯔ ﻗﺎﻟﺘﯩﺲ ﺗﻪﺑﺌﯩﻲ ﺗﺎﻻﻧﺘﻰ ﺑﻮﻟﻐﺎﻧﻠﯩﻘﯩﺪﯨﻦ ﺋﻪﻣﻪﺱ، ﺑﻪﻟﻜﻰ ﮪﺎﻳﺎﺕ ﻗﯧﻠﯩﺶ ﺋﯜﭼﯜﻥ ﺗﯩﺮﯨﺸﻘﺎﻧﻠﯩﻘﯩﺪﯨﻦ ﺋﯩﺪﻯ.

ﺩﯛﭘﺪﯛﮔﯩﻠﻪﻙ، ﺑﻮﺩﻩﻙ ﺟﯧﻚ ﻗﺎﺭﯨﻤﺎﻗﻘﺎ ﺋﯩﻨﺘﺎﻳﯩﻦ ﻗﺎﯞﯗﻝ ﯞﻩ ﺋﻮﻣﺎﻕ ﻛﯚﺭﯛﻧﯩﺪﯗ، ﺑﯩﺮﺍﻕ ﺋﯘﻧﯩﯔ «ﺑﻮﻟﺠﯘﯓ ﮔﯚﺷﻠﯩﺮﻯ» ﺋﺎﺭﻗﯩﺴﯩﻐﺎ ROHHAD ﺳﯩﻨﺪﺭﻭﻣﺎﺳﻰ ﺩﻩﭖ ﺋﺎﺗﯩﻠﯩﺪﯨﻐﺎﻥ ﻛﯧﺴﻪﻟﻠﯩﻚ ﻳﻮﺷﯘﺭﯗﻧﻐﺎﻥ ﺑﻮﻟﯘﭖ، ﺑﯘ ﺋﺎﺯ ﺋﯘﭼﺮﺍﻳﺪﯨﻐﺎﻥ ﺋﯩﻨﺘﺎﻳﯩﻦ ﻏﻪﻟﯩﺘﻪ ﻛﯧﺴﻪﻟﻠﯩﻚ، ﺑﯘﻧﯩﯖﺪﺍ ﺑﯩﻤﺎﺭﻧﯩﯔ ﺑﻪﺩﻩﻥ ﺋﯧﻐﯩﺮﻟﯩﻘﻰ ﮪﯧﭽﺒﯩﺮ ﺳﻪﯞﻩﺑﺴﯩﺰﻻ ﺋﯧﻐﯩﺮﻻﭖ ﻛﯧﺘﯩﺪﯗ. ﮪﻪﺗﺘﺎ ﺋﯧﻐﯩﺮ ﺑﻮﻟﻐﺎﻧﺪﺍ ﻧﻪﭘﻪﺳﻠﯩﻨﯩﺶ ﺋﯩﻘﺘﯩﺪﺍﺭﯨﻐﯩﻤﯘ ﺗﻪﺳﯩﺮ ﻛﯚﺭﺳﯩﺘﯩﺪﯗ.

ﺑﯘ ﻛﯧﺴﻪﻟﻠﯩﻜﻜﻪ ﻳﻪﻧﻪ ﻳﯜﺭﻩﻙ ﺳﻮﻗﯘﺷﻰ ﺋﺎﺟﯩﺰ ﺑﻮﻟﯘﺵ، ﺋﺎﺩﻩﺗﺘﯩﻦ ﺗﺎﺷﻘﯩﺮﻯ ﻛﯚﭖ ﺗﻪﺭﻟﻪﺵ، ﮪﻪﺭ ﺧﯩﻞ ﺋﯚﺳﻤﻪ، ﮪﻪﺗﺘﺎ ﺑﻪﺩﻩﻧﺪﯨﻜﻰ ﻧﻮﺭﻣﺎﻝ ﺳﯘ ﺗﻪﺭﻛﯩﺒﯩﻨﯩﯔ ﺗﻪﯕﭙﯘﯕﻠﯩﻘﯩﻨﻰ ﺳﺎﻗﻠﯩﻴﺎﻟﻤﺎﺳﻠﯩﻘﺘﻪﻙ ﺋﯧﻐﯩﺮ ﻛﯧﺴﻪﻟﻠﯩﻜﻠﻪﺭ ﮪﻪﻣﺮﺍﮪ ﺑﻮﻟﯩﺪﯗ. ﺗﯧﺨﯩﻤﯘ ﺋﻪﭘﺴﯘﺳﻠﯩﻨﺎﺭﻟﯩﻘﻰ ﺷﯘﻛﻰ، ﺑﯘ ﺧﯩﻞ ﻛﯧﺴﻪﻟﻠﯩﻜﻨﯩﯔ ﺋﯜﻧﯜﻣﻠﯜﻙ ﺩﺍﯞﺍﻻﺵ ﺋﯘﺳﯘﻟﻰ ﻳﻮﻕ ﺑﻮﻟﯘﭖ، ﻛﯧﺴﻪﻟﻠﯩﻜﻨﯩﯔ ﺳﻪﯞﻩﺑﯩﻤﯘ ﺗﺎ ﮪﺎﺯﯨﺮﻏﯩﭽﻪ ﺋﯧﻨﯩﻘﻼﻧﻤﯩﻐﺎﻥ.

ﭘﯜﺗﯜﻥ ﻳﻪﺭ ﺷﺎﺭﯨﺪﯨﻜﻰ 75 ﺗﯜﺭﻟﯜﻙ ﻣﯘﻧﺎﺳﯩﯟﻩﺗﻠﯩﻚ ﺑﯩﻤﺎﺭﻻﺭ 20 ﻳﺎﺷﺘﯩﻦ ﺋﺎﺭﺗﯘﻕ ﻳﺎﺷﺎﭖ ﺑﺎﻗﻤﯩﻐﺎﻥ. ﺟﯧﻜﻨﯩﯔ ﺗﻪﻗﺪﯨﺮﯨﻤﯘ ﺷﯘﻧﺪﺍﻕ ﺑﻮﻟﯘﺷﻰ ﻣﯘﻣﻜﯩﻦ. ﮔﻪﺭﭼﻪ ﺋﺎﻟﺪﯨﺪﯨﻜﻰ ﻳﻮﻝ ﺷﯘﻧﭽﯩﻠﯩﻚ ﺋﯧﭽﯩﻨﯩﺸﯩﻠﯩﻖ ﺑﻮﻟﺴﯩﻤﯘ، ﺑﯩﺮﺍﻕ ﻗﻪﻳﺴﻪﺭ ﺋﻮﻏﯘﻝ ﺟﯧﻚ ﻣﯘﺷﯘﻧﺪﺍﻗﻼ ﺗﻪﻥ ﺑﯧﺮﯨﺸﻨﻰ ﺧﺎﻟﯩﻤﯩﺪﻯ. ﺋﯘ ﭘﯜﺗﯜﻥ ﻛﯜﭼﻰ ﺑﯩﻠﻪﻥ ﺗﯩﺮﯨﺸﯩﭗ، ﺋﯚﺯﻯ ﺋﯜﭼﯜﻥ ﺗﯧﺨﯩﻤﯘ ﻛﯚﭖ ﯞﺍﻗﯩﺘﻨﻰ ﻗﻮﻟﻐﺎ ﻛﻪﻟﺘﯜﺭﯛﺷﻨﻰ ﻗﺎﺭﺍﺭ ﻗﯩﻠﺪﻯ.

ﻳﯧﻤﻪﻛﻠﯩﻜﻨﻰ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﭗ، ﺟﺎﭘﺎﻟﯩﻖ ﻣﻪﺷﯩﻖ ﻗﯩﻠﻐﺎﻥ ﺑﻮﻟﺴﯩﻤﯘ، ﺟﯧﻚ ﺑﻪﺩﻩﻥ ﺋﯧﻐﯩﺮﻟﯩﻘﯩﻨﯩﯔ ﺷﯩﺪﺩﻩﺕ ﺑﯩﻠﻪﻥ ﺋﯚﺭﻟﯩﺸﯩﻨﻰ ﭘﻪﻗﻪﺗﻼ ﺗﻮﺳﯘﭖ ﻗﺎﻻﻟﻤﯩﺪﻯ. ﺋﯘ ﺑﻪﺩﯨﻨﯩﺪﯨﻜﻰ ﺗﯧﺨﯩﻤﯘ ﻛﯚﭖ ﻣﺎﻱ ﻣﯩﻘﺪﺍﺭﯨﻨﻰ ﭼﯜﺷﯜﺭﯛﭖ، ﺳﻪﻣﺮﯨﺶ ﺳﯜﺭﺋﯩﺘﯩﻨﻰ ﭘﻪﺳﻪﻳﺘﯩﺶ ﺋﯜﭼﯜﻥ، ﺑﺎﺗﯘﺭﻟﯘﻕ ﺑﯩﻠﻪﻥ ﺋﯚﺯﯨﻨﯩﯔ ﺗﻪﻥ ﺳﺎﭘﺎﺳﯩﻐﺎ ﺟﻪﯓ ﺋﯧﻼﻥ ﻗﯩﻠﯩﭗ، ﺗﯚﻣﯜﺭ ﺋﺎﺩﻩﻡ ﺋﯜﭺ ﺗﯜﺭﻟﯜﻙ ﺗﻪﻧﮭﻪﺭﯨﻜﯩﺘﯩﮕﻪ ﻗﺎﺗﻨﯩﺸﯩﭗ، ﭘﯜﺗﯜﻥ ﻛﯜﭼﻰ ﺑﯩﻠﻪﻥ ﻳﯜﮔﯜﺭﯛﺷﻨﻰ ﺩﺍﯞﺍﻣﻼﺷﺘﯘﺭﺩﻯ.

2015-ﻳﯩﻠﺪﯨﻦ ﺑﺎﺷﻼﭖ، ﺗﺎ ﮪﺎﺯﯨﺮﻏﯩﭽﻪ ﺟﯧﻚ ﺑﯩﺮﻩﺭ ﻗﯧﺘﯩﻤﻤﯘ ﺟﺎﭘﺎﻟﯩﻖ ﻣﻪﺷﯩﻖ، ﺳﯘ ﺋﯜﺯﯛﺵ، ﻳﯜﮔﯜﺭﯛﺵ، ﯞﯦﻠﯩﺴﭙﯩﺖ ﻣﯩﻨﯩﺶ ﺗﯜﺭﻟﯩﺮﯨﺪﯨﻦ ﻗﺎﻟﻤﯩﺪﻯ، ﮔﻪﺭﭼﻪ ﻣﻪﺷﯩﻖ ﺟﺎﭘﺎﻟﯩﻖ ﮪﻪﻡ ﺋﯧﻐﯩﺮ ﺑﻮﻟﺴﯩﻤﯘ، ﺑﯩﺮﺍﻕ ﺋﯘ ﻗﻪﺗﺌﯩﻲ ﯞﺍﻳﺴﺎﭖ ﺑﺎﻗﻤﯩﺪﻯ.

ﺋﺎﺩﻩﻣﻨﻰ ﺗﯧﺨﯩﻤﯘ ﺧﯘﺷﺎﻝ ﻗﯩﻠﯩﺪﯨﻐﯩﻨﻰ ﺑﻮﻟﺴﺎ، ﺟﯧﻚ «20 ﻳﺎﺷﺘﯩﻦ ﺋﺎﺭﺗﯘﻕ ﻳﺎﺷﯩﻴﺎﻟﻤﺎﻳﺪﯗ» ﺩﯦﮕﻪﻥ ﺳﯚﺯﺩﯨﻦ ﻗﻮﺭﻗﯘﭖ ﻗﺎﻟﻤﯩﺪﻯ. ﺋﯘ ﮪﻪﻗﯩﻘﯩﻲ ﺗﯜﺭﺩﻩ ﺗﯚﻣﯜﺭ ﺋﺎﺩﻩﻡ ﺋﯜﭺ ﺗﯜﺭﻟﯜﻙ ﺗﻪﻧﮭﻪﺭﯨﻜﯩﺘﯩﻨﻰ ﻳﺎﺧﺸﻰ ﻛﯚﺭﯛﭖ، ﺑﯘﻧﻰ ﮪﺎﻳﺎﺗﯩﺪﯨﻜﻰ ﺋﻪﯓ ﭼﻮﯓ ﺧﯘﺷﺎﻟﻠﯩﻨﺎﺭﻟﯩﻖ ﺋﯩﺸﻘﺎ ﺋﺎﻳﻼﻧﺪﯗﺭﺩﻯ.

ﺑﯜﮔﯜﻧﻜﻰ ﻛﯜﻧﺪﻩ، ﺟﯧﻚ ﮪﻪﺭ ﻛﯜﻧﻰ ﻣﻪﻛﺘﻪﭘﻜﻪ ﺑﯧﺮﯨﭗ، ﺩﯗﻣﺒﺎﻕ ﭼﺎﻟﯩﺪﯗ، ﮪﻪﺭﯨﻜﻪﺕ ﻗﯩﻠﯩﺪﯗ. ﺋﯘﻧﯩﯔ ﺑﯘ ﮪﺎﻟﯩﺘﻰ ﺑﺎﺷﻘﺎ ﻛﯩﭽﯩﻚ ﺩﻭﺳﺘﻼﺭﺩﯨﻦ ﻗﯩﻠﭽﯩﻠﯩﻚ ﭘﻪﺭﻗﻠﻪﻧﻤﻪﻳﺪﯨﻐﺎﻥ ﺑﻮﻟﯘﭖ، ﺗﯚﻣﯜﺭ ﺋﺎﺩﻩﻡ ﺋﯜﭺ ﺗﯜﺭﻟﯜﻙ ﺗﻪﻧﮭﻪﺭﯨﻜﻪﺕ ﺟﻪﻣﺌﯩﻴﯩﺘﻰ ﺋﯘﻧﯩﯔ ﺋﯩﻜﻜﯩﻨﭽﻰ ﺋﺎﺋﯩﻠﯩﺴﯩﮕﻪ ﺋﺎﻳﻼﻧﺪﻯ.

ﺟﯧﻜﻨﯩﯔ ﺩﯦﻴﯩﺸﯩﭽﻪ، ﺋﯘ 20 ﻳﺎﺷﻘﯩﭽﻪ ﻳﺎﺷﺎﭘﻼ ﻗﺎﻟﻤﺎﻱ، ﺑﻪﻟﻜﻰ ﻳﻪﻧﻪ ﺋﻪﻧﮕﯩﻠﯩﻴﻪﻟﯩﻚ ﺑﯩﺮﻭﻧﻠﯩﻲ ﺋﺎﻛﺎ-ﺋﯘﻛﯩﻼﺭﻏﺎ ﺋﻮﺧﺸﺎﺵ، ﺋﻮﻟﯩﻤﭙﯩﻚ ﺗﻪﻧﮭﻪﺭﯨﻜﻪﺕ ﻣﯘﺳﺎﺑﯩﻘﯩﺴﻰ ﺗﯚﻣﯜﺭ ﺋﺎﺩﻩﻡ ﺋﯜﭺ ﺗﯜﺭﻟﯜﻙ ﺗﻪﻧﮭﻪﺭﯨﻜﯩﺘﻰ ﺗﯜﺭﯨﺪﻩ ﺋﯚﺯﯨﻨﯩﯔ ﻣﯚﺟﯩﺰﯨﺴﯩﻨﻰ ﻳﺎﺭﯨﺘﯩﺸﻨﻰ ﺋﯜﻣﯩﺪ ﻗﯩﻠﯩﺪﯨﻜﻪﻥ. ﮪﻪﻣﻤﯩﻤﯩﺰ ﮪﺎﻳﺎﺗﻠﯩﻖ ﺋﯜﭼﯜﻥ ﻳﯜﮔﯜﺭﻩﯞﺍﺗﻘﺎﻥ ﺑﯘ ﻛﯩﭽﯩﻚ ﺩﻭﺳﺘﻨﯩﯔ ﻣﻪﯕﮕﯜ ﺑﺎﺗﯘﺭﻟﯘﻕ ﺑﯩﻠﻪﻥ ﻳﺎﺷﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ.