گېرمانىيە يېمەكلىك جەمئىيىتىنىڭ ئېلان قىلىشىچە، بىر ياش ئىچىدىكى بوۋاقلار كالا سۈتى بىلەن بېقىلسا بولمايدىكەن، ئۇلار ئانا سۈتى ۋە مەخسۇس بوۋاقلار يېمەكلىكىنى ئەڭ كۆڭۈلدىكىدەك ئوزۇقلۇق، دەپ قارايدىكەن، ئۇلارنىڭ دوكلاتىدا كۆرسىتىلىشىچە، نۆۋەتتە بازاردا سېتىلىۋاتقان يېڭى كالا سۈتى، ساپ كالا سۈتى، يەنە ماي تەركىبى تۆۋەن كالا سۈتى ياكى مايسىز كالا سۈتىنىڭ ھەممىسى بوۋاقلارنىڭ ئىستېمال قىلىشىغا مۇۋاپىق كەلمەيدىكەن.
چۈنكى، بۇلارنىڭ تەركىبىدە نۇرغۇنلىغان ئاقسىل ۋە مىنېرال ماددىلار بولۇپ، تويۇنمىغان ماي كىسلاتاسى ۋە مىكرو ئېلېمېنت مىقدارى بەك ئاز ئىكەن.
ئۇلارنىڭ دوكلاتىدىكى تەكلىپ مۇنداق : بوۋاق ئالتە ئايلىق بولغاندىن كېيىن، تاماق سىڭدۈرۈش ئۈچۈن يۇقىرى تېمپېراتۇرىدا دېزىنفېكسىيە قىلىنغان مايلىق كالا سۈتى قوشۇپ بەرسە بولىدۇ.  ئەمما ئازراق گۈرۈچ سۈيىگە ئارىلاشتۇرۇپ سۈت بۇلمىقى قىلىپ بېرىش كېرەك.
بۇ خىل سۈت بۇلمىقىنى ياساش ئۇسۇلى :
200مىللىگىرام سۈتنى 20 گىرام تەييار بۇلماق تالقىنى قاتارلىق يېمەكلىكلەرگە ئارىلاشتۇرۇپ، يەنە 20 مىللىگىرام ساپ ئاپىلېسىن سۈيى ياكى باشقا ۋىتامىن C مىقدارى مول بولغان ساپ مېۋە سۈيى قوشۇش كېرەك.