«بالام دائىم تەرلەيدۇ، ئاغرىپ قالمىغاندۇ-ھە؟ ئۇخلىسىلا پۈتۈن بەدىنى تارلەيدۇ، نېمە ئىشتۇ؟  ئەنسىرەپ قالدىم، ياكى بۇ بەدىنى ئاجىزلىقتىنمىدۇ ؟»
ھەر قېتىم مۇشۇنداق گەپلەرنى كۆرگىنىمدا، شۇنداق دېگىم كېلىدۇ:
« بۇنى ئاجىز دېمەيمىز، بالا دېگەن ئىسسىقتىن قورقىدۇ!»
بالا تۇغۇلىشىدىلا چوڭلارغا ئوخشاش تەر بېزى بولىدۇ، ئادەم بەدىنىنىڭ تېمپېراتۇرىسى يۇقىرلىغاندا، ئۇلارمۇ تەرلەش ئارقىلىق ھارارىتىنى چۈشۈرىدۇ. ئۇلارنىڭ تەرلىگىنى شۇ ئىسسغىنى، كۆپ كىيىۋالغانلىقىنىڭ بىشارىتىدۇر.

چوڭلار چېغىدا تەرلىمىسە، بالا نېمىشقا تەرلەيدۇ؟
چۈنكى بالا دېگەن توختىماي مىدىرلايدۇ، سىز جىم ئولتۇرسىڭىز ئەلۋەتتە تەرلىمەيسىز-دە. چوڭلار ئۆينىڭ ئىچىدە ئاستا ئۇياقتىن- بۇياققا ھەرىكەت قىلىپ بېقىڭلار، شۇنىڭ بىلەن بالىنىڭ قانچىلىك ئىسسىيدىغانلىقىنى بىلىسىلەر. يېڭى تۇغۇلغان بوۋاقلار چوڭلاردىن بىرقۇر ئارتۇق كىيىم كىيسە بولىدۇ، لېكىن كىچىك بالىلار چوڭلارغا ئوخشاش قېلىنلىقتا كىيىنسە كۇپايە، بالىلارنىڭ بويۇن قىسمى  نورمال تېمپېراتۇردا بولسىلا بولىدۇ.
 

 نېمىشقا ئەمدى ئۇخلاپلا تەرلەيدۇ؟
ئۇخلاشنىڭ مەلۇم باسقۇچىغا كەلگەندە، تىنىق بىلەن يۈرەكنىڭ سوقۇش قېتىم سانى ئاستىلاپ، مۇسكۇللار بوشايدۇ، ئەمەلىيەتتە بۇ بەدەننىڭ ئەڭ بوشاشقان، راھەت ۋاقتى. مۇشۇنداق ۋاقىتتا بەزى بوۋاقلاردا چۈشكۈرۈش، تەرلەش قاتارلىق ئالامەتلەر كۆرۈلىدۇ، ھەتتا كىيىملىرىمۇ ھۆل بولۇپ كېتىدۇ. چۈنكى بوۋاقلارنىڭ قېنىپ ئۇخلاش ۋاقتى چوڭلاردىن ۋە كىچىك بالىلاردىن ئۇزاق بولىدۇ.
 يۇقارقىدەك ۋاقىتلاردا، بوۋاقلارنىڭ قېلىن كىيگەن-كىيمىگىنىنى، ئۆينىڭ گىرادۇسىنىڭ يۇقىرى ئەمەسلىكىنى تەكشۈرۈش كېرەك.

 ئىسسىقلىقنى تارقىتىشتا باش قىسمىغا تايىنىدۇ
  ئاتا-ئانىلار بوۋاقلارنىڭ تەر بېسىپ كەتكەن بېشىنى تۇتۇپ، تەرلىشى بەك كۆپ دەپ ئەنسىرەيدۇ، بۇ ئەسلىدە ئۇلارنىڭ تەر بېزىنىڭ تېخى تەرەققىي قىلىپ بولمىغىنىدىن بولىدۇ، باش قىسمىغا تايىنىپ ئىسسىقلىقنى تارقىتىدۇ.