بالىڭىز ئۇخلاش ئالدىدا ھېكايە ئېيتىپ بېرەمسىز؟

سەھىپە: بالىلار | مەنبە: ئەلداۋا ساغلاملىق تورى | ۋاقتى: 2017/06/21 | كۆرۈلۈشى: قېتىم
ماتېرىيال تەييارلىغۇچى: eldawa02 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 02

 ئۇخلاشتىن بۇرۇن ھېكايە ئېيتىش ئاتا- ئانىلار بىلەن بالىلىرىنىڭ ئارىلىقىنى يېقىنلاشتۇرۇشتىكى ئەڭ ياخشى ئۇسۇللارنىڭ بىرى. ئەنگلىيە «كۈندىلىك پوچتا گېزىتى» يېقىندا نەقىل كەلتۈرگەن ئامېرىكىدىكى ئەڭ يېڭى تەتقىقاتتا بايقىلىشىچە، ئۇخلاشتىن بۇرۇن ھېكايە ئاڭلاش بالىلارنىڭ بىلىش ئىقتىدارىنى ئۆستۈرۈشكە پايدىلىق بولۇپ، چوڭ مېڭە تېخىمۇ جانلىق بولىدىكەن.

 
  ئوقۇشنىڭ ئوقۇش يېشىغا توشمىغان بالىلارنىڭ چوڭ مېڭىسىگە بولغان تەسىرىنى يەنىمۇ ئېنىقلاش ئۈچۈن، ئامېرىكىنىڭ سىنسىنناتى بالىلار دوختۇرخانىسى داۋالاش مەركىزىنىڭ تەتقىقاتچىسى دوكتۇر جون خوتتون ۋە ئۇنىڭ تەتقىقات گۇرۇپپىسى تۆت ياشقا كىرگەن 22 نەپەر بالىغا قارىتا تەتقىقات ئېلىپ بارغان. بۇ بالىلار ھەر كۈنى كەچتە ئۇخلاشتىن بۇرۇن ئاپىسى ئوقۇپ بەرگەن كىتابلاردىكى ھېكايىلەرنى ئاڭلىغان، تەتقىقاتچىلار سىناققا قاتناشقان بالىلارنىڭ ھېكايىگە بولغان ياقتۇرۇش دەرىجىسى، سوئال سوراشنى ياقتۇرامدۇ-يوق، كىتاب كۆرۈشنى ياقتۇرامدۇ-يوق، شۇنىڭدەك ئاپىسى بىلەن پىكىرلىشەمدۇ-يوق دېگەندەك مەسىلىلەرنى باھالىغان. تەتقىقاتچىلار يەنە چوڭ مېڭە يادرو ماگنىتلىق رېزونانس تەسۋىر ھاسىل قىلىش تەسۋىر كۆچۈرۈش تېخنىكىسى ئارقىلىق بالىلارنىڭ چوڭ مېڭىسىنىڭ ئۆزگىرىش ئەھۋالىنى كۆزەتكەن. نەتىجىدە, ئۇخلاشتىن بۇرۇن ھېكايە ئوقۇشقا قاتنىشىشقا ئامراق بالىلارنىڭ خەت تونۇش ۋە چۈشىنىش ئىقتىدارى بىر قەدەر كۈچلۈك بولغان. ھەمدە, ئاپىسى ھېكايە ئوقۇش جەريانىدا، ھەمتۈرتكىلىكى ئەڭ كۆپ، قىزىقىشى ھەممىدىن قويۇق بولغان بالىلارنىڭ كىچىك مېڭىسىنىڭ ئوڭ تەرەپتىكى پائالىيىتى كۆرۈنەرلىك جانلانغان. بۇ رايون بىلىش ئىقتىدارىغا ئېرىشىش ۋە ياخشىلاش بىلەن زىچ مۇناسىۋەتلىك بولۇپ، ئەستە ساقلاش قابىلىيىتى، مەسىلە ھەل قىلىش ئىقتىدارى ۋە دىققىتىنى يىغىش ئىقتىدارى قاتارلىقلارنى ئۆستۈرۈشتە مۇھىم رول ئوينايدىكەن.
 
  دوكتۇر خوتتون: يېڭى تەتقىقات نەتىجىسىدىن مەلۇم بولۇشىچە، ئاتا-ئانىلار بىلەن بالىلارنىڭ ئۇخلاشتىن بۇرۇنقى كىتاب ئوقۇش پائالىيىتىگە يۈكسەك قاتنىشىشنىڭ بالىلارنىڭ چوڭ مېڭىسىنى ئاكتىپلاشتۇرۇشقا پايدىلىق ئىكەنلىكىنى، ئاتا-ئانىلارنىڭ بالىلىرىغا بولغان ئوقۇشنى كۈچەيتىش، ھەمدە بالىلىرىغا كۆپرەك ھەمتۈرتكە بولۇشقا ئىلھاملاندۇرۇش كېرەكلىكىنى بىلدۈردى.
iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر