قولتۇق پۇراشنىڭ بالاسى ھەمدە ئۇنىڭ داۋاسى

سەھىپە: كېسەللىكلەر | مەنبە: ئەلداۋا ساغلاملىق مۇنبىرى | ۋاقتى: 2016/09/18 | كۆرۈلۈشى: قېتىم
ماتېرىيال تەييارلىغۇچى: ئەلداۋا 01 | تەكشۈرۈپ بېكىتكۈچى: ئەلداۋا 02 | يوللىغۇچى: ئەلداۋا 02

قولتۇق پۇراش نۇرغۇن ئادەملەر كۆڭۈل بۆلىدىغان مەسىلە. ئادەمنىڭ چوڭ تەر بەزلىرى قولتۇق، بۇرۇن قانىتى (لىپىلدىقى)، قۇلاق سىرتقى يولى، چاتراق قاتارلىق جايلارغا تارقالغان. تەر بەزلىرى بالاغەتكە يېتىش مەزگىلىدىن باشلاپ ئىچكى ئاجراتما سىستېمىسىنىڭ تەسىرى بىلەن جانلىنىشقا باشلايدۇ. شۇڭا، قولتۇقمۇ بالاغەتكە يەتكەن مەزگىللەردىن باشلاپ پۇراشقا باشلايدۇ، ياشانغانسېرى ئاجىزلاپ يوقايدۇ. تەر بەزلىرى سۇ، ماي، تۆمۈر، پارقىراق ماددىلار، رەڭلىك ماددىلارنى ئاجرىتىپ چىقارغاندىن باشقا، سېسىق پۇراقلىق ماددىمۇ ئاجرىتىپ چىقىرىدۇ. قولتۇقنىڭ پۇرىشى يەرلىك ئورۇندىكى تۈرلۈك باكتېرىيەلەر ۋە تەر بېزى ئاجرىتىپ چىقارغان سېسسىق پۇراقلىق ماددىلارنىڭ تەسىرىدە تويۇنمىغان ياغ كىسلاتاسىنىڭ پەيدا بولۇشىدىن كېلىپ چىقىدۇ. ئەگەر باكتېرىيەلەر دورىلىق ئۆلتۈرىۋېتىلىپ، تويۇنمىغان ياغ كىسلاتاسى ھاسىل قىلىش يولى توسۇۋېتىلسە، قولتۇق پۇراشنىڭ ئالدىنى ئېلىشقا بولىدۇ. قولتۇق پۇراشنى كەلتۈرگۈچى ئامىل _ باكتېرىيە بولغاچقا، قولتۇق تازىلىقىغا رىئايە قىلىش كېرەك. قولتۇق پۇراشمۇ ئىنسانلارنىڭ ئىرقنىڭ ئوخشاش بولماسلىقىغا قاراپ ئوخشىمايدۇ، قارا تەنلىك ۋە ئاق تەنلىك كىشىلەردىكى قولتۇق پۇراش سېرىق تەنلىك كىشىلەرگە قارىغاندا ئېغىرراق بولىدۇ.
قولتۇق پۇراش ئېغىر بولسا ئوپېراتسىيەلىك داۋالاش ئارقىلىق قولتۇق پۇراشنى يىلتىزىدىن يوقىتىشقا بولىدۇ. ئەمما، بىر قىسىم بىمارلاردا تۆۋەندىكىدەك ئەگەشمە كېسەللىكلەرمۇ كۆرۈلۈشى مۇمكىن.

1. ئەنئەنىۋىي ئۇسۇل بويىچە قولتۇقتىكى تەر بېزىنى كېسىپ ئېلىۋېتىش ئوپېراتسىيەسى قىلدۇرغانلارنىڭ ئاز قىسىملىرىدا ئوپېراتسىيەدىن كېيىن قانلىق ئىششىىق، كېسىك ئېغىزى شەلۋەرەش ياكى تېرە توقۇلمىسى ئۆلۈش قاتارلىق ئەگەشمە كېسەللىكلەر كۆرۈلۈشى مۇمكىن.
2. ئىچكى بوشلۇق ئەينىكى ئارقىلىق كۆكرەك بوشلۇقىدىكى سىمپاتىك نىرۋىنى تازىلاش ئوپېراتسىيەسى قىلدۇرغانلارنىڭ ئاز قىسىملىرىدا گازلىق كۆكرەك، قاپاق ساڭگىلاش كۆرۈلۈشى مۇمكىن.
3. دوختۇرنىڭ تېخنىكىسى ياخشى، پىشىپ يېتىلگەن بولمىسا، دورىنى بەك چوڭقۇر ئۇرۇپ، نېرۋىغا ئۇرۇپ قويسا، بىلەك ئىقتىدارى قىسقا مۇددەتلىك تەسىرگە ئۇچرىشى مۇمكىن.


ئۇنداقتا، قولتۇق تەرلەش ۋە سېسىق پۇراشقا مەنپەئەتلىك ئاددىي رېتسىپلار قايسىلار؟ بۇنىڭغا قىزىقسىڭىز دىققىتىڭىز يازمىنىڭ كېيىنكى بېتىدە بولسۇن!

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر