دالانچە تىترەش يۈز بېرىشنىڭ مېخانىزمى ۋە داۋاملىشىشى يۇقىرىدا بايان قىلغان بىلەن ئوخشاش بولۇپ، غەيرىي ئېلېكتر فىزىيولوگىيەلىك ئۇل ماددا ۋە قوزغىتىش ئامىلىغا مۇھتاج. مۇتلەق كۆپ ساندىكى دالانچە تىترەشنىڭ مېخانىزمىنى ئاساسەن نۇرغۇنلىغان بالا دولقۇن ئارقىغا قايتىپ قوزغىتىدۇ. دالانچە ئۈستى مەنبەلىك بالدۇر سوقۇش دائىم كۆرۈلىدىغان قوزغىتىش ئامىلىنىڭ بىرى بولۇپ، ئۇ دالانچە مەنبەلىك تېز سۈرئەتلىك يۈرەك رىتىمسىزلىقىنى پەيدا قىلىدۇ. كېيىنكىسى دالانچە تىترەشكە ئۆزگىرىدۇ.

دالانچە تىترەش يۈز بېرىش بىلەن مۇناسىۋەتلىك بولغان ئامىللار يۈرەك ھەرىكىتى زىيادە ئاستىلاش بىلەن بىللە كېلىدىغان دالانچە ئىچىدىكى يەتكۈزۈش توسۇلۇش، QT نىڭ چېچىلىشچانلىقى ئارتىش ۋە دەۋر ئۇزۇنلۇقىنىڭ ئۆزگىرىشىنى ئۆز ئىچىگە ئالىدۇ. بەزى ئالىملارنىڭ بايقىشىچە، دالانچە تىترەش يۈز بېرىشتىن ئىلگىرى ئىككى مىنۇت ئىچىدە دالانچە مەنبەلىك بالدۇر سوقۇشنىڭ سانى ئاشىدىكەن. بۇنىڭدىن كۆرۈۋېلىشقا بولىدۇكى، يۈرەككە قوزغاتقۇچ ئورنىتىپ داۋالىغاندا دالانچە تىترەش يۈز بېرىشنىڭ ئالدىنى ئالغىلى بولىدۇ.

يۈرەك دالانچىسىنى كۆپ نۇقتىدىن قوزغىتىش ئۇسۇلىنى قوللىنىپ ( قوش دالانچە ياكى ئوڭ دالانچىنىڭ قوش ئورۇندىن ماس قەدەمدە قوزغىتىش ) بەزى بىمارلاردىكى، بولۇپمۇ يۈرەك دالانچىسىنىڭ يەتكۈزۈشى توسۇلۇش بىللە كەلگەن بىمارلاردىكى دالانچە تىترەشنىڭ ئۈنۈملۈك ئالدىنى ئالغىلى بولىدۇ.