كېچىدە ئۇخلىيالماسلىق ئازاب، ھەتتا بەزىلەر ئۇيقۇ تىلغا ئېلىنسا جىددىيلىشىدۇ ۋە تەئەججۈپلىنىدۇ. بەزىلەر ھەمىشە ئۆزىگە « ئۇيقۇسىزلىق كېسەللىكىگە گىرىپتار بولۇپ قالغاندىمەنمۇ؟ » دېگەن سۇئالنى قويىدۇ.
ئۇيقۇسىزلىق كېسەللىكى بىرلەمچى ئۇيقۇسىزلىقنى كۆرسىتىدۇ. ئۇ ئۇيقۇنىڭ سۈپىتى ۋە مىقدارى ئۇزۇن مۇددەت يېتەرلىك بولماسلىق بىلەن ئىپادىلىنىدۇ، بىمار بۇنىڭدىن ئەندىشە قىلىدۇ ۋە تەشۋىشلىنىدۇ، بۇنىڭ بىلەن ئالامەتلەر داۋاملىشىۋېرىدۇ. ئۇنداقتا ئۇيقۇسىزلىق كېسەللىكىگە گىرىپتار بولغان- بولمىغانلىقىغا قانداق ھۆكۈم قىلىش كېرەك؟
ئۇيقۇسىزلىقنىڭ تۆۋەندىكىدەك ئالامەتلىرى بولىدۇ:

1) ئۇيقۇسىزلىق كېسەللىكىگە گىرىپتار بولغانلاردىكى بىردىنبىر ئالامەت- ئۇخلىيالماسلىق؛

2) بىمار ئۇيقۇسىزلىق ئالامەتلىرى ۋە ئۇنىڭ ئاقىۋەتلىرىگە ئىنتايىن كۆڭۈل بۆلىدۇ؛

3) بىمار ئۇيقۇسىنىڭ مىقدارى ۋە سۈپىتىدىن نارازى بولۇپ غەمگە چۆمىدۇ، ھەتتا نورمال خىزمەت، ئۆگىنىشلەرگىمۇ قاتنىشالمايدۇ؛

4) ئۇيقۇسىزلىق ئاز دېگەندە ھەپتىدە ئۈچ قېتىم پەيدا بولىدۇ ھەم بىر ئاي داۋاملىشىدۇ، تاسادىپىي ئۇيقۇسى قېچىش تۇرمۇشتا دائىم كۆرۈلۈپ تۇرىدۇ.

كەيپىياتنىڭ ياخشى بولماسلىقى، مېڭىنى زىيادە ئىشلىتىۋېتىش، مۇھىتقا ماسلىشالماسلىق، خىزمەتتىكى جىددىيلىك ۋە ئۇخلاش ئالدىدىكى مەلۇم سەۋەبلىك ھاياجانلىنىشتىن پەيدا بولغان ئۇيقۇسىزلىق ئادەم تېنىنىڭ نورمال ئىنكاسى، بۇنداق ۋاقىتلىق ئۇيقۇسىزلىق چوڭ مېڭىنىڭ تەڭشىشى ۋە ئۆزىمىزنىڭ ماسلىشىشى بىلەن تېزلا نورماللىشىدۇ، شۇڭا بۇنى ئۇيقۇسىزلىق كېسەللىكى دېيىشكە بولمايدۇ.