چىشقا زىيانلىق 6 ئادەت، چىشىڭىزغا ئىچىڭىز ئاغرىسۇن

سەھىپە: تېبابەت | مەنبە: ئەلداۋا ساغلاملىق تورى | ۋاقتى: 2017/01/26 | كۆرۈلۈشى: قېتىم
ماتېرىيال تەييارلىغۇچى: eldawa03 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 03

نەيچە ئارقىلىق چىش ئاسراش
  كاربونات كىسلاتا ئىچىملىكلىرى چىشنى ئاسانلا زەخىملەندۈرىدۇ، ئېغىز بوشلۇقىدىكى باكتېرىيەلەر گازلىق سۇدىكى قەنتلەرنى ئوزۇقلۇق قىلىشنى ياخشى كۆرىدۇ، شۇنىڭ بىلەن ئېغىز بوشلۇقىدا كىسلاتالىق ماددىلار پەيدا بولىدۇ ھەم قويۇقلۇقى ئېشىپ چىشنىڭ سىرتقى يۈزىدىكى ئېمال ماددىسىنى ئېرىتىپ خورىتىدۇ. بەزىلەر گازلىق سۇنى نەيچە بىلەن ئىچسە، بۇنىڭ ئالدىنى ئالغىلى بولىدۇ دەپ قارايدۇ، ئەمما گازلىق سۇنى نەيچە ئارقىلىق ئىچكەندىمۇ چىش ئوخشاشلا زەخىملىنىدۇ.
  تاماقتىن كېيىنلا چىش چوتكىلاش
  تاماقتىن كېيىنلا چىش چوتكىلاش چىشنى ئاسانلا زەخىملەندۈرىدۇ. گازلىق سۇ ۋە قىزىل ھاراق قاتارلىق كىسلاتالىق ئىچىملىكلەر چىشنىڭ سىرتقى يۈزىدىكى ئېمال ماددىسىنى يۇمشىتىپ قويىدۇ، شۇڭا بۇنداق ئىچىملىكلەرنى ئىچكەندىن كېيىنلا چىش چوتكىلاشقا بولمايدۇ.
  چىش مىلىكى قىزىرىپ ئىششىغاندا، سوغۇقلۇق قىلىش
  نۇرغۇن كىشى چىش مىلىكى قىزىرىپ ئىششىسا، بۇ ئىسسىقتىن بولغان دەپ قاراپ، تەبىئىتى سوغۇق چايلارنى ئىچىش ئارقىلىق ئىسسىقنى قايتۇرۇشنى ياخشى كۆرىدۇ. ئەمما چىش مىلىكى قىزىرىپ ئىششىپ قېلىشنىڭ چوقۇم ئىسسىقتىن بولۇشى ناتايىن، بۇ بەلكىم چىش ئەتراپى كېسەللىرىنىڭ بېشارىتى بولۇشى مۇمكىن، بولۇپمۇ ئۇزاققىچە ئىششىق يانماي چىش بوشاشقا باشلىسا، چىش چوتكىلىغاندا قانىسا، بۇنىڭغا ھەرگىز سەل قارىماسلىق كېرەك.
  دائىم چىش كوچىلىغۇچ بىلەن چىش كوچىلاش
  چىش كوچىلىغۇچنى كۆپ ئىشلەتكەندە، چىش ئارىلىقلىرى چوڭىيىپ چىش مىلىكى زەخىملىنىدۇ، ئەڭ ياخشى ئۇسۇل يەنىلا چىش يىپى ئىشلىتىش.

   سېغىزنى كۆپ چايناش
  نۇرغۇن كىشى سېغىز چايناش ئارقىلىق ئېغىزنى تازىلاشقا ۋە ئېغىزدىكى پۇراقلارنى يوقىتىشقا بولىدۇ، دەپ قارايدۇ. بىراق تەركىبىدە شېكەر بولغان سېغىزلارنى ئۇزاق مۇددەت چاينىغاندا، ئېغىزدىكى باكتېرىيەلەر شېكەرنى ئوزۇقلۇق قىلىپ كىسلاتالىق ماددىلارنى قويۇپ بېرىپ چىشنى تېخىمۇ چىرىتىدۇ.
  كەچلىك ئىسمېنا ئىشلىگەندە ئۇسسۇزلۇق ئىچمەسلىك
  كېچىدە شۆلگەي سۇيۇقلۇقىنىڭ ئاجرىلىپ چىقىشى ئازىيىدىغان بولغاچقا، باكتېرىيەلەر ئاسانلا كۆپىيىپ چىش ساغلاملىقىغا پايدىسىز بولىدۇ، ئېغىز پۇرايدۇ. شۇڭا كەچ ئۇخلاشقا ياكى تۈنەشكە توغرا كەلسە، ئۇسسۇزلۇقنى كۆپرەك ئىچىپ بېرىش كېرەك.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر