ئەرلەرنىڭ ساغلاملىق يېمەكلىكى

سەھىپە: ئەرلەر | مەنبە: ئەڭ ياخشى دوختۇر_ئۆزىڭىز | ۋاقتى: 2012/03/14 | كۆرۈلۈشى: قېتىم
ماتېرىيال تەييارلىغۇچى: ئابدۇرېھىم ياقۇپ | تەكشۈرۈپ بېكىتكۈچى: ئەلداۋا 02 | يوللىغۇچى: ئەلداۋا 04

ئوتتۇرا ياشلىق ئەرلەر نېمە يېسە «ساغلاملىقى ناچارلىشىش ھالىتى» دىن قۇتۇلالايدۇ؟
ھازىر دېڭىز مەھسۇلاتلىرىنى ئوتتا پىشۇرۇپ يېيىش مودىغا ئايلاندى، يالپاقلانغان سالمون بېلىقى، چىپار بېلىق، ئاتباش بېلىق، يېڭى دېڭىز مەھسۇلاتى، يىلان، قىسقۇچپاقا قاتارلىقلار خېرىدارلار، دوست-بۇرادەرلەرنى كۈتۈۋالىدىغان ياخشى قورۇمىلارغا ئايلاندى.


بىراق، بۇ يېمەكلىكلەردە پارازىت قۇرت ۋە باكتېرىيىلەر كۆپ، يەنە كېلىپ ئەسلىي تەمىنى ساقلاش ئۈچۈن چالا قورۇلغاچقا، كىشىلەر بۇ يېمەكلىكلەرنى يېگەندە پارازىت قۇرت ۋە باكتېرىيىلەرمۇ كىرىپ كېتىشى مۇمكىن.
ئۇزاق مەزگىل ئىشخانىدا يېزىق خىزمىتى بىلەن شۇغۇللىنىدىغانلار ياكى دائىم كومپيۇتېر مەشغۇلاتى بىلەن شۇغۇللىنىدىغانلارنىڭ كۆرۈش قۇۋۋىتى تۆۋەنلەپ كېتىدۇ، بۇنىڭ ئالدىنى ئېلىشتا ۋىتامىن A نى ئىستېمال قىلىشقا توغرا كېلىدۇ، ھەپتىدە ئۈچ تال سەۋزە يەپ بەرگەندە، بەدەنگە كېرەكلىك نورمال مىقداردىكى ۋىتامىن A نى ساقلاپ قالغىلى بولىدۇ. كۈندە ئىشخانىدا ئولتۇرىدىغانلارنىڭ ئاپتاپقا قاقلىنىدىغان پۇرسىتى يوق دېيەرلىك بولغاچقا، ئۇلار ۋىتامىن D كەمچىل بولۇش تۈپەيلىدىن سۆڭەك شالاڭلىشىش كېسىلىگە گىرىپتار بولىدۇ، شۇڭا ئۇلار دېڭىز بېلىقى، توخۇ جىگىرى، تەركىبىدە ۋىتامىن D مول يېمەكلىكلەرنى كۆپرەك يېيىشى كېرەك.
ھاراقنىڭ پايدىسىمۇ، زىيىنىمۇ بار. ئادەم كۈنىگە 20~30 مىلىلېتىر قىزىل ئۈزۈم ھارىقى ئىچىپ بەرسە، يۈرەك كېسىلىنىڭ كۆرۈلۈش نىسبىتىنى %75 تۆۋەنلەتكىلى بولىدۇ، بىراق، پىۋىنى كۆپ ئىچكەندە يۈرەكنىڭ قېرىشى تېزلىشىپ، قان تەركىبىدىكى ئاليۇمىن مىقدارى ئېشىپ كېتىدۇ.

#P#
يېمەكلىك بىلەنمۇ كەيپىياتىنى تۇراقلاشتۇرغىلى بولىدۇ. كالتسىي كەيپىياتنى تۇراقلاشتۇرۇش رولىغا ئىگە بولۇپ، ھۇجۇم قىلىش ۋە بۇزغۇنچىلىق قىلىش ھەرىكەتلىرى يۈز بېرىشنىڭ ئالدىنى ئالىدۇ. تېرىككەك ئادەملەر سۈت، قېتىق، پىشلاق قاتارلىق سۈت مەھسۇلاتلىرى ۋە سۆڭەك شورپىسى قاتارلىق تەركىبىدە كالتسىي كۆپ يېمەك-ئىچمەكلەرنى كۆپرەك ئىستېمال قىلىپ، كۆڭلىنى تىنچلاندۇرسا بولىدۇ. دائىم جىددىيچىلىكتە ئۆتىدىغان كىشىلەر كۈنىگە 3~5 تال چىلان يەپ بەرسە، بەدەنگە كېرەكلىك نورمال مىقداردىكى ۋىتامىن تولۇقلىنىدۇ، شۇنداق قىلغاندا جىددىي خىزمەت مۇھىتىغا تاقابىل تۇرغىلى بولىدۇ.
كىشىلەر چارچىغاندا توخۇ، بېلىق، گۆش، تۇخۇم قاتارلىقلارنى كۆپ يېمەسلىكى كېرەك. چۈنكى چارچىغاندا بەدەندە كىسلاتالىق ماددىلار يىغىلىپ قالىدۇ، گۆش تۈرىدىكى يېمەكلىكلەر كىسلاتالىق يېمەكلىك بولغاچقا چارچاشنى ئېغىرلاشتۇرۇۋېتىدۇ؛ ئەكسىچە يېڭى كۆكتاتلار، سۇ مەھسۇلاتلىرى قاتارلىق ئىشقارلىق يېمەكلىكلەرنى ئىستېمال قىلغاندا چارچاشنى تۈگىتىپ سالامەتلىكنى ئەسلىگە كەلتۈرگىلى بولىدۇ، ئەگەر شارائىت يار بەرسە، ئىسسىق سۇدا يۇيۇنغاندا روھلىنىپ چارچاشنى تۈگەتكىلى بولىدۇ.
تاماكا چېكىدىغان كىشىلەر ھەر كۈنى سەۋزە، قاپاق لازا، غولپىياز،
پالەك ۋە سېرىق رەڭلىك مېۋىلەرنى كۆپرەك يېيىشى ياكى ناشتىلىقىدا ۋىتامىن C، ۋىتامىن A ۋە ئانئورگانىك تۇز تولۇقلىشى كېرەك، مۇشۇنداق قىلغاندا يۈرەك قان تومۇر كېسىلى، راك ۋە نەپەس يولى كېسەللىكلىرىگە گىرىپتار بولۇش خەۋپىنى ئازايتقىلى بولىدۇ، تاماكا تاشلاش سالامەتلىككە ئەڭ پايدىلىق، ئەلۋەتتە.
ئادەمنىڭ يېمەك-ئىچمەك ئادىتى ساغلاملىقىنى بەلگىلەيدۇ.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر