ئەرلەرنىڭ كۈنى تەس

سەھىپە: ئەرلەر | مەنبە: يۈكسەل بلوگى | ۋاقتى: 2011/08/27 | كۆرۈلۈشى: قېتىم
ماتېرىيال تەييارلىغۇچى: ئەلداۋا 02 | تەكشۈرۈپ بېكىتكۈچى: ئىلقۇت | يوللىغۇچى: ئەلداۋا 05

ئەرلەر ئەسلىدە ئادەتتىكى ئادەم بولۇپ، ئۇلارغا «كۈچلۈك» دېگەن قالپاق كىيدۈرۈلگەندىن كېيىن كۈنى تەس بولغان.
گېنشۇناسلىق نۇقتىسىدىن قارىغاندا، ئەر-ئاياللار گېنىنىڭ %99.9 ى ئوخشاش بولۇپ، پەرقى ناھايىتى چەكلىك ئىكەن. ھەر ئىككىسىدە تۈرلۈك ئارزۇ-ئارمان، ھەۋەسلەر بولىدىكەن. بىراق ئەرلەرنىڭ كۈنى تەس بولۇپ، ئۇلارنىڭ ئۆيدىكى ئائىلە بېسىمى، تالادىكى ئىجتىمائىي بېسىمى، ئىش ئورنىدىكى خىزمەت بېسىمى قاتارلىق بېسىملىرى كۆپ بولغاچقا، ئوڭايلا كېسەللىكلەرگە گىرىپدار بولىدۇ. شۇنداقلا، تېرىككەك بولغاچقا بالدۇر ئۆلۈپ كېتىدۇ. سىتاتىستىكىلىق تەكشۈرۈشلەرگە كۆرە، ئەرلەرنىڭ ئوتتۇرىچە ئۆمرى ئومىيۈزلۈك ئاياللارنىڭ ئوتتۇرىچە ئۆمرىدىن بىر قانچە ياش قىسقا بولىدىكەن، روسىيىگە ئوخشاش ئەللەردە ئەرلەرنىڭ ئاياللاردىن كەم ياشايدىغان يىلى 13 يىلغا يېتىدىكەن.
 

ھازىرقى ئىدراكىيلاشقان، ئۇچۇرلاشقان زامانىۋىي دەۋردە ئەرلەرگە يەنىمۇ ئىنچىكە، قاتتىق تەلەپلەر قويۇلماقتا. ئەنئەنىۋىي مەدەنىيەت ۋە ئىجتىمائىي ئادەت تۈپەيلىدىن ئەرلەر تېخىمۇ كۈچلۈك، تېخىمۇ چاققان، تېخىمۇ ئىقتىدارلىق، تېخىمۇ ياخشى بولۇشى كېرەك؛ ئەرلەر تېخىمۇ ئەتراپلىق يېتىلگەن، تىرناقتا توختىغۇدەك بولۇشى كېرەك؛ ئەرلەر يېڭىلىگىنىگە ھەرقاچان تەن بەرمەسلىكى، يىقىلغاندا يىغلىماسلىقى، ھەرقاچان ئاھ-ۋاھ دېمەسلىكى كېرەك... دەپ قارالغاچقا، ئەرلەر دەردىنى ئىچىگە يۇتىدىغان، كۆڭۈل سىرىنى دېيەلمەيدىغان، ئاغرىپ قالسا دوختۇرغا كۆرۈنمەيدىغان، ئەگەر شۇنداق قىلمىسا ئەركىشىگە ئوخشىماي قالىدىغاندەك تۇيۇلىدىغان بولۇپ قېلىۋاتىدۇ.


تۇرمۇش يولى دەقىيانۇسنىڭ زامانىسىدىن باشلاپ مۇشۇنداق ئېگىز-پەس ۋە تۈرلۈك-تۈمەنخىل بولىدۇ. ھەر كىشىنىڭ ئۆزىگە تۇشلۇق دەردى بار. بىراق رېئال تۇرمۇشتا ئاياللار يىغلىسا باشقىلار ئىچ ئاغرىتىپ، تەسەللىي بېرىشىدۇ. ئەمما ئەرلەر يىغلىسا لامزەللە ۋە يارىماس، دەپ قارىلىدۇ. ئاياللار نېمە گېپى بولسا دەۋەرسە بولىۋېرىدۇ، كىشىلەر ئۇلارنى كوت-كوت كېلىدۇ، ئۈچ ئايال بىريەرگە كەلسە پۈتكۈل جاھاننىڭ پارىڭىنى قىلىدۇ، بۇ ئۇلارنىڭ خاراكتېرى، دەپ قارىشىدۇ. ئەمما، ئەرلەر تولا گەپ قىلسا قارشى ئېلىنمايدۇ، كوتۇلدىسا يارىماس، دەپ ئەيىپلىنىدۇ؛ ئاياللار ئاغرىپ قالسا يېنىدىكى ئەرلەر تۇتقان-قويغىنىنى ئۇنتۇپ ئۇلارنى دوختۇرغا كۆرستىشىدۇ. بىراق، ئەرلەر كۆپىنچە ئۆز ئاغرىقىنى تاكى ئېغىرلىشىپ ئىمكان بولمىغۇچە ياكى تاغدەك بەستى يىقىلغۇچە يوشۇرۇپ يۈرۈشىدۇ.


بۇنى ئاز دېگەندەك «ئەرلەر كۈچلۈك، ئاياللار ئاجىز» دەيدىغان ئەنئەنىۋىي قاراش تۈپەيلىدىن مۇۋاپپەقىيەت قازانغان ئاياللارنىڭ ئەرلىرىمۇ مىسلىسىز بېسىملارغا دۇچ كەلمەكتە. ئۇلارنىڭ ئەرلىرى ئاياللىرىنىڭ شان-شۆھرىتىدىن پەخىرلىنىش ئورنىغا ئۆزلىرىنى خۇددىي بارغانسېرى بېسىمغا ئۇچراۋاتقاندەك ھېس قىلماقتا. ئامېرىكىدا ئېلىپ بېرىلغان تەكشۈرۈشتىن مەلۇم بولىشىچە، ئايالىنىڭ كىرىمى ئۆزىنىڭكىدىن يۇقىرى بولغان ئەرلەر ئۆزىنى بەخىتسىز دەپ قارىغان ۋە ئۇلارنىڭ تاجسىمان يۈرەك كېسەللىكى بىلەن ئۆلۈش نىسبىتى يۇقىرى چىققان.
ئاخىرىدا شۇنى دەيمىزكى، يالغۇز ئاياللارلار ئاياش-ئاسراشقا مۇھتاج بولۇپ قالماستىن، ئەرلەرمۇ ئاياللارنىڭ، جەمئىيەتنىڭ، پەرزەنتلەرنىڭ ئايىشى-ئاسرىشىغا مۇھتاج.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر