بۆرەك ئاجىزلىقىغا مەنپەت قىلىدىغان 10 ئاددىي غىزا

سەھىپە: ئەرلەر | مەنبە: ئەلداۋا ساغلاملىق تورى | ۋاقتى: 2011/08/30 | كۆرۈلۈشى: قېتىم
ماتېرىيال تەييارلىغۇچى: ئەلداۋا 01 | تەكشۈرۈپ بېكىتكۈچى: يۈكسەل | يوللىغۇچى: ئەلداۋا 01

تۆۋەندىكى ئەتراپىمىزدىنلا تېپىلىدىغان يېمەكلەر ئەرلەردىكى بۆرەك ئاجىزلىقى ۋە بۆرەك ئاجىزلىقىدىن بولغان ماغدۇرسىزلىققا مەنپەت قىلىدىغان بولۇپ، دوستلارنىڭ سىناپ كۆرۈشىگە ئەرزىيدۇ.

1. ياڭاق مېغىزىدىن مۇراببا ياساپ يەپ بەرسە بولىدۇ ۋە ياكى 1 كىلوگرام ياڭاقنى يانجىپ، 1 كىلوگرام ھەسەلگە ئوبدان ئارىلاشتۇرۇپ، كۈندە 1 قېتىم، ھەر قېتىمدا بىر ئاش قوشۇقتىن يەپ بەرسە بولىدۇ.
2. يېمىش (قۇرۇق ئۈزۈم) ۋە ياڭاق مېغىزىدىن تەڭ مىقداردا ئېلىپ، سوقۇپ خېمىر قىلىپ، كۈنىگە 50 گىرامدىن 2 ۋاق يەپ بەرسە بولىدۇ. ئۈزۈم شەربىتىنى 50 مىللىلېتىردىن 3 ۋاق ئىچىپ بەرسىمۇ بولىدۇ.
3. بادام مېغىزى بىلەن ياڭاق مېغىزىنى بىرگە سوقۇپ، ھەسەل بىلەن ئارىلاشتۇرۇپ يېسە بولىدۇ.
4. نارجىلنى مۇۋاپىق مىقداردا يەپ بەرسە ياكى شېكەر بىلەن قوشۇپ ئىچىپ بەرسە بولىدۇ.


5. 100 گىرام ياڭاق مېغىزى، 30 گىرام ئالقات قوشۇپ، مۇۋاپىق مىقداردىكى گۈرۈچ بىلەن قاينىتىپ، شوۋىگۈرۈچ قىلىپ ئىچسە بولىدۇ.
6. خاسىڭ مېغىزىنى مۇۋاپىق مىقداردا يەپ بەرسە بولىدۇ.
7. 60 گرام كۈدە يىلتىزىنى چىلاشقۇدەك سۇدا قاينىتىپ سىقىپ، سۈيىنى ئەتىگەن ۋە كەچتە مۇۋاپىق مىقداردا ئىچىپ بەرسە بولىدۇ.
8. خورمىنى يېڭى سۈتتە قاينىتىپ، دارچىن قوشۇپ ئىچىپ بەرسە ياكى خورمىنى گۈرۈچ بىلەن قاينىتىپ شوۋىگۈرۈچ قىلىپ ئىچسە بولىدۇ.
9. بادام مېغىزىدىن ھەر كۈنى 20 دانىدىن يەپ بەرسە ياكى بادام مېغىزىنى ھەسەل بىلەن قوشۇپ مۇراببا قاينىتىپ ئىچسە بولىدۇ.
10. قوناقنى يىرىك ئېزىپ، پاقلان گۆشى ۋە ھەرخىل كۆكتاتلار بىلەن بىللە پىشۇرۇپ، يارما ئاش ئېتىپ يەپ بەرسە ئوبدان مەنپەت قىلىدۇ.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر