تاماكا تاشلىغاندىن كېيىن ئادەم بەدىنىدە يۈز بېرىدىغان ئۆزگىرىشلەر

سەھىپە: ئەرلەر | مەنبە: ئەلداۋا ساغلاملىق تورى | ۋاقتى: 2017/05/17 | كۆرۈلۈشى: قېتىم
ماتېرىيال تەييارلىغۇچى: eldawa03 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 03

بەلكىم سىز ھازىر ئادەم ھامان ئۆلۈپ كېتىدۇ، تاماكا تاشلىساممۇ ئۆپكەم ياخشى بولۇپ كېتىشى ناتايىن دەپ ئويلىشىڭىز مۇمكىن. 

ئەگەر سىز ھازىردىن باشلاپ تاماكا تاشلاشنىڭ بەدىنىڭىزدە قانچىلىك ئۆزگىرىش پەيدا قىلىدىغانلىقىنى بىلسىڭىز يەنىلا شۇنداق ئويلامسىز؟ 

1. تاماكا تاشلاپ 30 مىنۇتتىن كېيىن سىزنىڭ قان بېسىمىڭىز ۋە تومۇر سوقۇشىڭىز نورماللىشىدۇ.  

2. تاماكا تاشلاپ 8 سائەتتىن كېيىن قاندىكى كاربون چالا ئوكسىدنىڭ مىقدارى تۆۋەنلەپ، ئوكسىگېن مىقدارى كۆپىيىدۇ، قېنىڭىزنىڭ تەركىبى نورمال ھالەتكە قايتىشقا باشلايدۇ.

 

3. تاماكا تاشلاپ 24 سائەتتىن كېيىن يۈرەك كېسىلى بولۇش نىسبىتىڭىز تۆۋەنلەيدۇ. 

4. تاماكا تاشلاپ 48 سائەتتىن كېيىن تەم سەزگۈڭىز، پۇراش سېزىمىڭىز ۋە نېرۋىلىرىڭىز نورمال ھالەتتىكى ئۆتكۈرلۈك دەرىجىسىگە قايتىدۇ. 

5. تاماكا تاشلاپ 2 ھەپتىدىن 3 ئايغىچە بولغان ۋاقىتتا ئۆپكە ئىقتىدارىڭىزنىڭ %30 تى ئەسلىگە كېلىدۇ. 

6. تاماكا تاشلاپ 1 ئايدىن 9 ئايغىچە بولغان ۋاقىتتا سىزدىكى يۆتەل ۋە نەپەس قىسىلىش ئەھۋالىنىڭ ئازىيىپ، جىسمانىي كۈچىڭىزنىڭ كۆرۈنەرلىك ئاشقانلىقىنى ھېس قىلالايسىز. 

7. تاماكا تاشلاپ بىر يىلدىن كېيىن يۈرەك كېسىلىگە گىرىپتار بولۇش نىسبىتىڭىز ئىلگىرىكىدىن %50 تۆۋەنلەيدۇ. 

8. تاماكا تاشلاپ 5 يىلدىن كېيىن قىزىلئۆڭگەچ راكى، كېكىردەك راكى، ئېغىز بوشلۇقى راكى ۋە ئۆپكە راكىغا گىرىپتار بولۇش نىسبىتىڭىز ئىلگىرىكىدىن %50 تۆۋەنلەيدۇ، سەكتە بولۇش نىسبىتىڭىز ئادەتتىكى كىشىلەر بىلەن ئوخشاش ھالەتكە كېلىدۇ. 

9. تاماكا تاشلاپ 10 يىلدىن كېيىن ئۆپكە راكىغا گىرىپتار بولۇش نىسبىتىڭىز ئادەتتىكى كىشىلەر بىلەن ئوخشاش ھالەتكە كېلىدۇ، قىزىلئۆڭگەچ راكى، دوۋساق راكى، ئېغىز بوشلۇقى راكى، كېكىردەك راكى، بۆرەك ۋە ئاشقازان ئاستى بېزى راكى بولۇش نىسبىتىڭىز ئىلگىرىكىدىن تۆۋەنلەيدۇ. 

10. تاماكا تاشلاپ 15 يىلدىن كېيىن يۈرەك كېسەللىكلىرىگە گىرىپتار بولۇش نىسبىتىڭىز ئادەتتىكى كىشىلەر بىلەن ئوخشاش ھالەتكە كېلىدۇ. 

بۇلارنى كۆرۈپ بولغاندىن كېيىن تاماكا تاشلاشنى ئويلاشتىڭىزمۇ؟ 

ئەگەر ھازىردىن باشلاپ تاماكا تاشلىسىڭىز سىزنى يەنىلا قۇتقۇزۇۋالغىلى بولىدۇ، يەنە كېلىپ نورمال ھالەتكە قايتالىشىڭىزدىنمۇ ئۈمىد بار.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر