تۆت خىل ئەھۋالدا بوۋاقلارنى سۆيمەڭ

سەھىپە: ئانا-بالىلار | مەنبە: ئەلداۋا ساغلاملىق تورى | ۋاقتى: 2017/01/18 | كۆرۈلۈشى: قېتىم
ماتېرىيال تەييارلىغۇچى: eldawa03 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 03

سۆيۈش ئامراقلىقنى ئىپادىلەشنىڭ بىر خىل شەكلى بولغاچقا، مەيلى ئاپا، دادا ياكى باشقىلار بولسۇن بوۋاقنى ئامراقلىق قىلىپ سۆيۈپ كېتىدۇ. بىراق بۇنداق ئامراقلىقنىڭ بوۋاقلارغا نىسبەتەن تولىمۇ خەتەرلىك ئىكەنلىكىنى نۇرغۇن كىشى بىلمەيدۇ.
مۇتەخەسسىسلەرنىڭ كۆرسىتىشىچە، بوۋاقلارنىڭ ئىممۇنىتېت كۈچى نىسبەتەن ئاجىز بولغاچقا، سۆيگۈچىلەردە زۇكام ياكى باشقا كېسەل بولسا، بوۋاقلار ئاسانلا يۇقۇملىنىپ قالىدىكەن. بولۇپمۇ تۆۋەندىكى ئەھۋاللاردا بوۋاقلارنى ھەرگىز سۆيمەسلىك كېرەككەن.


1.ئائىلە باشلىقلىرى زۇكام، تارقىلىشچان قۇلاق ئالدى بېزى ياللۇغى، بادامسىمان بەز ياللۇغى، جىگەر ياللۇغى، بىرىكتۈرگۈچى پەردە ياللۇغى ۋە قىزىل قاتارلىق يۇقۇملۇق كېسەللەرگە گىرىپتار بولغاندا، بولۇپمۇ ئۆزىدە تاشما، سۇلۇق قاپارتما قاتارلىق ئالامەتلەر بايقالغاندا بوۋاقلارنى سۆيمەيلا قالماستىن، بەلكى بوۋاقلاردىن ئايرىلىپ تۇرۇش ھەم جىددىي داۋالىنىش كېرەككەن.
2.نۇرغۇن ئاشقازان ئۈچەي يولى باكتېرىيەلىرى، مەسىلەن، چوڭ ئۈچەي تاياقچە باكتېرىيەسى ۋە ئاشقازان چىقىش ئېغىزى بۇرمىسىمان تاياقچە باكتېرىيەسى قاتارلىقلار يۇقۇملۇق بولغاچقا، ئائىلە باشلىقلىرىنىڭ ئىچى سۈرۈپ قالغان ياكى ئاشقازان يارىسى قاتارلىق كېسەللەرگە گىرىپتار بولۇپ قالغاندا، بوۋاقلارنى سۆيمەسلىكى، يېمەكلىكلەرنى چايناپ بەرمەسلىكى ۋە پۈۋلەپ بەرمەسلىكى كېرەككەن، بولمىسا بوۋاقلار ئاسانلا يۇقۇملىنىدىكەن.
3. ئائىلە باشلىقلىرى ئېغىز بوشلۇقى كېسەللىرى، بولۇپمۇ چىش مىلىكى ياللۇغى، چىش يىلىكى ياللۇغى ۋە چىش چىرىش قاتارلىق كېسەللەرگە گىرىپتار بولغاندا، بوۋاقلارنى سۆيمەسلىك كېرەككەن، بولمىسا بوۋاقلار ئاسانلا چىش چىرىش قاتارلىق كېسەللەرگە گىرىپتار بولىدىكەن.
4.ئانىلار قويۇق گىرىم قىلىۋالغاندىمۇ بوۋاقلارنى سۆيمەسلىكى كېرەككەن. گىرىم بۇيۇملىرىدا ھامان ئاز – تولا خىمىيەلىك ماددىلار، ھەتتا بەزى گىرىم بۇيۇملىرىدا قوغۇشۇن بولغاچقا ئانىلار بوۋاقلارنى سۆيگەن ياكى بوۋاقلارغا ئۆزىنى سۆيدۈرگەندە، بەزى زىيانلىق ماددىلار بوۋاقلارنىڭ تېنىگە كىرىپ، بوۋاقلارنىڭ سالامەتلىكىگە زىيان يەتكۈزىدىكەن.
 
iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر