ھامىلىدارلىق مەزگىلىدە يانفون ئوينىغاننىڭ ئاقىۋىتى، تېز كۆرۈڭ

سەھىپە: ئانا-بالىلار | مەنبە: ئەلداۋا ساغلاملىق تورى | ۋاقتى: 2017/05/03 | كۆرۈلۈشى: قېتىم
ماتېرىيال تەييارلىغۇچى: eldawa02 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 02

خەلق تورى ئۇيغۇرچە قانىلىنىڭ 3- ماي بېيجىڭدىن بەرگەن تېلېگراممىسى: بىر كەڭ كۆلەملىك خەلقئارالىق تەتقىقاتتىن بايقىلىشىچە، ئانا ھامىلىدارلىق مەزگىلىدە دائىم يانفون ئىشلەتسە، ئۇنىڭ تۇغقان بالىسىدا كېيىن ئاچچىقى يامان بولۇپ قېلىش ياكى ھەددىدىن ئارتۇق كەپسىز بولۇپ قېلىش دېگەندەك مەسىلىلەر كۆرۈلىدىكەن.
تەتقىق قىلىش جەريانىدا، نۇرغۇن دۆلەتلەرنىڭ ئالىملىرى 1996- يىلىدىن 2011- يىلىغىچە بولغان مەزگىللەردە، دانىيە، گوللاندىيە، نورۋېگىيە، ئىسپانىيە ۋە كورېيە قاتارلىق دۆلەتلەردىكى 83 مىڭ جۈپ ئانا-بالا ئۈستىدىكى ئالاقىدار سانلىق مەلۇماتلارنى رەتلەپ تەھلىل قىلغان. مەزكۇر سانلىق مەلۇمات، ئانىنىڭ ھامىلىدارلىق مەزگىلىدە يان تېلېفوندا سۆزلەشكەن قېتىم سانى ۋە ۋاقىت ئۇزۇنلۇقى، ھەمدە بالىلارنىڭ بەش ياشتىن يەتتە ياشقىچە بولغان ئارىلىقتىكى ھەرىكەت ئىپادىسى ئەھۋالى ۋە بالىلارنىڭ كەيپىيات ھالىتى قاتارلىق مەزمۇنلارنى ئۆز ئىچىگە ئالىدىكەن. تەھلىل قىلىش نەتىجىسىدە شۇ خىل ئەھۋاللار بايقالغانكى، ئەگەر ئانا ھامىلىدارلىق مەزگىلىدە ھەر كۈنى تۆت قېتىم تېلېفون ئىشلەتسە، ياكى يان تېلېفون ئارقىلىق بىر سائەتتىن ئارتۇق سۆزلەشسە، ئۇلارنىڭ تۇغقان بالىسىنىڭ بەش ياشتىن يەتتە ياشقا كىرگىچە بولغان ئارىلىقتا، بەك كەپسىز ۋە ئاچچىقى يامان بولۇپ قېلىش نىسبىتى %28تىن ئېشىپ كېتىدىكەن. ئانا ھامىلىدارلىق مەزگىلىدە ئەزەلدىن يانفون ئىشلەتمىگەن ئەھۋال ئاستىدا تۇغۇلغان بالىلاردا، ھەرىكەت ۋە كەيپىياتتا مەسىلە كۆرۈلۈش خەتىرى بىرئاز ئاز بولىدىكەن.
ئامېرىكا كالىفورنىيە ئۇنىۋېرسىتېتىنىڭ بالىلار كېسەللىكلىرى مۇتەخەسسىسى روبىن خەنسىن دوكتور مۇنداق دەپ قارىغان: بۇ خىل ئەھۋالنىڭ پەيدا بولۇشى يان تېلېفوندىن پەيدا بولغان ئېلېكتىر ماگنىت رادىياتسىيەسى بىلەن مۇناسىۋەتلىك. گەرچە نۇرغۇن تەتقىقاتتا، يانفوننىڭ رادىياتسىيەسى ئادەم بەدىنى ئۈچۈن بىخەتەر، دېيىلسىمۇ، ئۇ خىل تەتقىقاتلارنىڭ نەتىجىلىرىنى دەلىللەشكە يېتەرلىك ئۇزۇن ۋاقىت بولمىغاچقا، يانفون رادىياتسىيەسىنىڭ ئۇزاق مۇددەتلىك ساغلاملىققا بولغان خەۋپ-خەتىرىنىڭ بار-يوقلۇقى نۆۋەتتە يەنىلا نامەلۇم .
شۇنىڭ ئۈچۈن، ئۆزىڭىز ۋە بالىڭىزنىڭ ئامانلىقى ئۈچۈن، چوڭلارنىڭ، بولۇپمۇ ھامىلىدار ئاياللارنىڭ يان تېلېفوننى ئاز ئىشلىتىشىنى، پەقەت زۆرۈر تېپىلغاندىلا ئاندىن يان تېلېفون ئىشلىتىشىنى، سۆزلىشىش ۋاقتىنىڭ ئىمكانقەدەر قىسقا بولۇشىنى، سۆزلەشكەندە تۇرۇپكىسىز (يەنى، ئاۋازنى ئېچىۋېتىپ، تېلېفوندىن يىراقراق تۇرۇپ) سۆزلىشىش ئىقتىدارىدىن كۆپرەك پايدىلىنىپ تېلېفون ئىشلىتىشىنى تەۋسىيە قىلىمىز.
كۆرۈپ بېكىتكۈچى: موللانىياز تۇنىياز
مەنبە: خەلق تورى

 

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر