ئىلى ئوبلاستى ئەلدوست ھەققىدە مەخسۇس يىغىن ئاچتى

سەھىپە: خەۋەر | مەنبە: ئەلداۋا ساغلاملىق تورى | ۋاقتى: 2017/02/18 | كۆرۈلۈشى: قېتىم
ماتېرىيال تەييارلىغۇچى: eldawa03 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 03
 
ئىلى ئوبلاستى ئەيدىز ۋىرۇسقا قارشى داۋالاش خىزمىتى شارائىتىنى قېلىپلاشتۇرۇش دوكلات بېرىش يىغىنى ئاچتى
 
ئىلى ئوبلاستلىق ئەيدىزنىڭ ئالدىنى ئېلىش ئىشخانىسى شىنجاڭ ئەيدىزنىڭ ئالدىنى ئېلىش ئىلمىي جەمئىيىتىنىڭ يېقىندىن بۇيان ئۈندىدار دوستلار چەمبىرىكىدە «شىنجاڭ ئەلدوست بىيو-پەن تېخنىكا تەرەققىيات چەكلىك شىركىتى (تۆۋەندە قىسقارتىپ ئەلدوست دەپ ئېلىندى) نىڭ ھاياتلىق ئوزۇقلۇق ئىچىملىكىنىڭ ئەيدىزنى داۋالىيالايدىغانلىقىغا ئائىت ساختا ئېلاننىڭ ئۇقتۇرۇشىنى تاپشۇرۇپ ئالدى.
ئوبلاستلىق ئەيدىزنىڭ ئالدىنى ئېلىش ئىشخانىسى بۇ مەسىلىگە ئالاھىدە قاراپ، 2-ئاينىڭ 14-كۈنى چۈشتىن بۇرۇن، ئوبلاستلىق ئەيدىزنىڭ ئالدىنى ئېلىش ئىلمىي جەمئىيىتىنىڭ مۇئاۋىن باشلىقى، ئوبلاستلىق سەھىيە پىلانلىق تۇغۇت كومىتېتىنىڭ باشلىقى بولاتنىڭ رىياسەتچىلىكىدە ئەيدىز ۋىرۇسقا قارشى داۋالاش خىزمىتى شارائىتىنى قېلىپلاشتۇرۇش دوكلات بېرىش يىغىنى ئاچتى. يىغىنغا ئوبلاست دەرىجىلىك رەھبەرلەر، غۇلجا شەھەرلىك ۋە ناھىيەلىك پارتىيە تەشۋىقات بۆلۈمى، يېمەكلىك دورا نازارەت قىلىش ئىدارىسى، سودا-سانائەت مەمۇرىي باشقۇرۇش ئىدارىسى، مەدەنىيەت تەنتەربىيە رادىيو-كىنو ئىدارىسى،جامائەت خەۋپسىزلىك ئىدارىسى، پىلانلىق تۇغۇت كومىتېتى، ئەيدىزنىڭ ئالدىنى ئېلىش ئىشخانىسى قاتارلىق ئورگانلارنىڭ مەسئۇللىرى ۋە خىزمەتچى خادىملىرىدىن 40 تىن ئارتۇق ئادەم يىغىنغا قاتناشتى. ئوبلاستلىق ئەيدىزنىڭ ئالدىنى ئېلىش ئىشخانىسى مۇدىرى چېن جىشېڭ يېقىندىن بۇيان ئۈندىدار دوستلار چەمبىرىكىدە تارقالغان «شىنجاڭ ئەلدوست بىيو-پەن تېخنىكا تەرەققىيات چەكلىك شىركىتى (تۆۋەندە قىسقارتىپ ئەلدوست دەپ ئېلىندى) نىڭ ھاياتلىق ئوزۇقلۇق ئىچىملىكىنىڭ ئەيدىزنى داۋالىيالايدىغانلىقىغا ئائىت ساختا ئېلانى ھەمدە مۇناسىۋەتلىك تەكشۈرۈش ئەھۋالى توغرىسىدا دوكلات بەردى. ھەرقايسى ئورگان، ھەرقايسى شەھەر-ناھىيە ۋەكىللىرى ئەمەلىي نازارەت قىلىش مەسئۇلىيىتى بويىچە مۇناسىۋەتلىك تەكشۈرۈشلەرنى ئېلىپ بېرىش توغرىسىدا ئاكتىپ ئاۋاز قوشتى.
بولات مۇدىر يەنە: «ھەر قايسى ئورگان، ناھىيە شەھەرلەرنىڭ، بۇ ۋىرۇسقا قارشى داۋالاشقا مۇناسىۋەتلىك ساختا ئېلان مەسىلىسىنىڭ ئېغىرلىقىنى تونۇپ يېتىپ، ھەرقايسى ئورگانلار مەسئۇلىيىتىنى جارى قىلدۇرۇپ، ئاكتىپلىق بىلەن نازارەتنى كۈچەيتىپ، ئورگانلار ئوتتۇرىسىدىكى ماسلىشىشچانلىق ۋە ھەمكارلىقنى كۈچەيتىپ، تەكشۈرۈش خىزمىتىنى قانات يايدۇرۇش، ئاممىنىڭ قانۇنسىز ساختا ئېلانلارنى پەرقلەندۈرۈش ئىقتىدارىنى يۇقىرى كۆتۈرۈپ، مۇناسىۋەتلىك قانۇن بەلگىلىمىلەرنى خەلق ئاممىسىغا تەشۋىق قىلىش، سودا-سانائەت مەمۇرىي باشقۇرۇش ئورگانلىرى قانۇنسىز ساختا ئېلانلارنى تەكشۈرۈپ بىر تەرەپ قىلىشقا مەسئۇل بولۇش، يېمەكلىك دورا نازارەت قىلىش ئىدارىسى ئۆز مەسئۇلىيەت دائىرىسى ئىچىدىكى ساقلىقنى ساقلاش مەھسۇلاتلىرىنىڭ ساختا ياكى راستلىقىغا بولغان تەكشۈرۈشنى كۈچەيتىش، مەدەنىيەت تەنتەربىيە رادىيو-كىنو ۋە جامائەت خەۋپسىزلىك ئورگانلىرى تېلېۋىزور، تور، ئۈندىدار قاتارلىق يېڭى ئالاقە ۋاسىتىلىرىدىكى بېرىلىدىغان ئېلانلار يەنە كېلىپ دورا ئېلانلىرىغا بولغان نازارەت قىلىشنى كۈچەيتىش، جامائەت خەۋپسىزلىك ئىدارىسى قانۇنسىز دوختۇرلۇق قىلىش جىنايىتى دېلوسىغا مەسئۇل بولۇپ نازارەت قىلىپ تەكشۈرۈش، ئاساسىي قاتلامدىكى ئەيدىزنىڭ ئالدىنى ئىلىش خىزمەتچىلىرى ئەيدىز بىمارلىرى ۋە ئەيدىز يۇقۇمدارلىرىنى يوقلاش خىزمىتىنى چىڭ تۇتۇپ، دۆلەتنىڭ ۋىرۇسقا قارشى داۋالاشقا مۇناسىۋەتلىك قانۇن نىزاملىرىنى توغرا تەشۋىق قىلىپ، ساختا قانۇنسىز يوللار ئارقىلىق داۋالىنىشنى قوبۇل قىلىش قىلمىشلىرىنىڭ كېلىپ چىقىشىنىڭ ئالدىنى ئېلىش، خىزمەت جەريانىدا قائىدە نىزاملارغا ئالاھىدە ئەمەل قىلىپ، ئەيدىز بىمارلىرى ۋە ئەيدىز يۇقۇمدارلىرىنىڭ مەخپىيەتلىكىنى قاتتىق ساقلاپ، قانۇنسىز كىشىلەر تەرىپىدىن پايدىلىنىپ كېتىشىدىن ساقلىنىش كېرەك» دەپ ئالاھىدە تەكىتلىدى.
ئوبلاستلىق ئەيدىزنىڭ ئالدىنى ئېلىش ئىشخانىسى، ئىلى ئوبلاستى ئەيدىز ۋىرۇسقا قارشى داۋالاش خىزمىتى شارائىتىنى قېلىپلاشتۇرۇش ۋە ئەيدىز بىمارلىرى ۋە ئەيدىز يۇقۇمدارلىرى ۋە ئۇلارنىڭ ئائىلە –تاۋابىئاتلىرىنىڭ ئالدام خالتىغا چۈشۈپ ئالدىنىپ كېتىشىدىن ساقلىنىشنى كۆزدە تۇتۇپ، «ئىلى ئوبلاستى ئەيدىز ۋىرۇسقا قارشى داۋالاشقا مۇناسىۋەتلىك خىزمەتلەرنى كۈچەيتىش ئۇقتۇرۇشى»نى بېسىپ تارقىتىپ، ئەيدىز ۋىرۇسقا قارشى داۋالاش خىزمىتىنىڭ بىخەتەر ئېلىپ بېرىلىشىغا كاپالەتلىك قىلدى.
iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر