ئالىملار دەۋرىمىزدىكى ئەڭ قورقۇنچلىق كېسەللىكلەردىن بىرى بولغان راكنى بايقاش ئۈچۈن ھەر كۈنى يېڭى مېتودلارنى ئىجاد قىلماقتا. سۇمرۇغ تورى خەۋىرى: ئۈچەي ۋە ئۆپكە راكىغا ئوخشاش پۇراق چىقىرىدىغان راك كېسەللىكلىرىنى بايقاشتا ئىتلاردىن پايدىلىنىشنىڭ باشلىنىشى بىلەن، قالقانسىمان بەز راكىغا مۇناسىۋەتلىك ئۈمىد پەيدا قىلىدىغان نەتىجىلەر قولغا كەلتۈرۈلدى. ئىتلارنىڭ پۇراش سەزگۈرلۈكى ئىنسانلاردىن 10 ھەسسە كۈچلۈك بولۇپ، ئىلىم ساھەسىدە مۇھىم ئورۇندا تۇرىدۇ. ئامېرىكا ئاركانساس ئۇنىۋېرستېتى تىببىي فاكۇلتېتىنىڭ مۇتەخەسسىسلىرى، 34 بېمار ئۈستىدىن تەتقىقات ئېلىپ باردى ۋە فىرەنكى ئىسىملىك گېرمان چوپان ئىتىغا، ئۇلارنىڭ سۈيدۈكىنى پۇراتتى. فىرەنكى ئىسىملىك ئىت 30 بېمارنىڭ كېسىلىنى توغرا تاپتى. ئىتلارنىڭ پۇراش سىزىمىغا ئالاھىدە دىققەت قىلغان ئالىملار، فىرەنكى پۇرىغان پۇراقنىڭ نېمە ئىكەنلىكىنى بىلمەيدىغانلىقلىرىنى ئەسكەرتتى. ئىلىم دۇنياسى بۇ تەتقىقاتقا ئوخشىمىغان ئىنكاسلارنى قايتۇردى. بەزى ئالىملار، بۇ نەتىجىنىڭ كىشىنى ھاياجانغا چۆمدۈرىدىغانلىقىنى ۋە بىئوپسىيە قوللىنىلمايدىغان دۆلەتلەر ئۈچۈن پايدىلىق ئىكەنلىكىنى ئىلگىرى سۈردى. يەنە بەزى ئالىملار بولسا، بۇ ئۇسۇلنىڭ ئاسان ئەمەسلىكىنى، ئەمما ئىتلارنىڭ خىمىيەلىك ماددىلارنى پۇرىيالايدىغانلىقىنى يېڭى سىناقلارغا يول كۆرسىتىدۇ، دەپ قارايدىغانلىقلىرىنى بىلدۈردى.