ياشانغانلارنىڭ ئەڭ ئېھتىياجلىق يەتتە خىل ئوزۇقلۇق ماددا

سەھىپە: ياشانغانلار | مەنبە: ئەلداۋا ساغلاملىق تورى | ۋاقتى: 2016/10/21 | كۆرۈلۈشى: قېتىم
ماتېرىيال تەييارلىغۇچى: eldawa03 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 03

ياشنىڭ چوڭىيىشىغا ئەگىشىپ، ئاساسىي مېتابولىزم بىلەن جىسمانىي قۇۋۋەت تۆۋەنلىگەچكە، بەدەننىڭ ئېنېرگىيەگە بولغان ئېھتىياجى بارغانسېرى ئازىيىدۇ، ئەكسىچە ئوزۇقلۇق ماددىلارغا بولغان ئېھتىياج ئاشىدۇ. شۇڭا ياشانغانلار تۆۋەندىكى ئوزۇقلۇق ماددىلارنى تولۇقلاشقا سەل قارىماڭ. 

ئاقسىل: ئاقسىل ھۈجەيرىلەرنى تۈزگۈچى ئاساسلىق ماددا. ئاقسىل ئاساسلىقى ھايۋانات ئاقسىلى (تۇخۇم، كالا سۈتى، راك، قارا گۆش قاتارلىقلار)، ئۆسۈملۈك ئاقسىلى (دادۇر، قاتتىق پوستلۇق مېۋە، دانلىق زىرائەتلەر)نى ئۆز ئىچىگە ئالىدۇ. بۇلارنىڭ ئىچىدە ئادەتتە تۇخۇم ئاقسىلنىڭ پايدىلىنىش قىممىتى ئەڭ يۇقىرى بولىدۇ، ئەمما تۇخۇم خولېستېرىننىڭ قوبۇل قىلىنىشى چەكلىمىگە ئۇچرىمايدىغان ياشانغانلارغا بىر قەدەر ماس كېلىدۇ، ئەمما بەدىنىدە خولېستېرىن يۇقىرى ياشانغانلار ياخشىسى بېلىق تۈرىدىكىلەرنى كۆپرەك ئىستېمال قىلىشى كېرەك.

كالتسىي: يېمەكلىكلەر ئىچىدە كالا سۈتى، قېتىق، پىشلاق قاتارلىقلار كالتسىي تولۇقلايدىغان ئەڭ ياخشى ئوزۇقلۇق ھېسابلىنىدۇ. كالتسىي تولۇقلىغۇچلار ئىچىدە كالتسىي كاربونات قاتارلىق ئانئورگانىك كالتسىيلىق ماددىلارنىڭ باھاسى بىر قەدەر يۇقىرى، بىراق كالتسىي لاكتات، كالتسىي گىلۇكونات قاتارلىق ئورگانىك كىسلاتا تۈرىدىكى كالتسىي تۇزلىرىنىڭ باھاسىمۇ ئانچە يۇقىرى ئەمەس، ئۇنىڭ ئۈستىگە سۈمۈرۈلۈپ پايدىلىنىش قىممىتى بىر قەدەر يۇقىرى. 

تۆمۈر: گۆش بىلەن ھايۋانلارنىڭ ئىچكى ئەزالىرى تۆمۈر تولۇقلاشتىكى ئەڭ ياخشى يېمەكلىك. بۇنىڭ ئىچىدە كالا گۆشىنىڭ تەركىبىدە تۆمۈرنىڭ مىقدارى ئەڭ يۇقىرى. ئۇنىڭدىن باشقا قارا قېرىنقۇلاق، قارا گۈرۈچ، قارا كۈنجۈت قاتارلىقلارمۇ تۆمۈر تولۇقلاشتىكى ئەڭ ياخشى يېمەكلىك. كۆكتاتلار تەركىبىدىكى ۋىتامىن C ئادەتتە تۆمۈرنىڭ بەدەنگە سۈمۈرۈلۈشىنى ئىلگىرى سۈرىدۇ. ياشانغانلار تۆمۈر تولۇقلىغاندا ئەڭ ياخشىسى گۆش تۈرىدىكىلەر، دانلىق زىرائەتلەر ۋە مېۋە – چىۋىلەرنى ماسلاشتۇرۇپ بىللە ئىستېمال قىلىشى كېرەك.

سىنك: تەم سەزگۈسى، ئىشتىھاسى ئانچە ياخشى بولمىغان ياشانغانلار قەرەللىك تۈردە دوختۇرخانىغا بېرىپ قېنىدىكى سىنك مىقدارىنى ئۆلچىتىپ تۇرۇشى، ئەگەر سىنك ئېغىر دەرىجىدە كەم بولسا، دوختۇرنىڭ كۆرسەتمىسى بويىچە سىنك تولۇقلايدىغان دورىلارنى ئىچىپ بېرىشى كېرەك. سىنك ئېغىر دەرىجىدە كەمچىل بولمىغان ياشانغانلار بېلىق، گۆش، كۈنجۈت ۋە قارىغاي ئۇرۇقى قاتارلىقلارنى كۆپرەك ئىستېمال قىلسا، سىنك تولۇقلىنىدۇ.

ۋىتامىن D: ئادەتتە، ياشنىڭ چوڭىيىشىغا ئەگىشىپ تېرىنىڭ فۇنكسىيەلىك ئىقتىدارى تۆۋەنلەيدۇ، ئاپتاپقا قاقلىنىپ بەرگەندە ۋىتامىن D نى تولۇقلىغىلى بولىدۇ، كالا سۈتى، تۇخۇم سېرىقى، موگۇ قاتارلىقلارنىڭ تەركىبىدىمۇ ۋىتامىن D بىر قەدەر كۆپ. بۇلاردىن باشقا، ياشانغان كىشىلەر يەنە دوختۇرنىڭ كۆرسەتمىسى بويىچە ۋىتامىن D تولۇقلايدىغان دورىلارنى مۇۋاپىق ئىچىپ بېرىشى كېرەك.

ۋىتامىن A: تەركىبىدە ۋىتامىن A ئەڭ مول يېمەكلىك ئاساسلىقى ھايۋانات جىگىرى، ئۇنىڭدىن قالسا، تۇخۇم سېرىقى ۋە قايماقلىق سۈت. سەۋزە، پالەك، كەرەپشە قاتارلىقلاردىمۇ ۋىتامىن A نىڭ مىقدارى بىر قەدەر كۆپ.

ۋىتامىن B: ۋىتامىن B ئاساسەن دانلىق زىرائەتلەردە، يەنى دادۇر، بەرەڭگى تۈرىدىكىلەردە، بولۇپمۇ قارا ئاشلىقنىڭ تەركىبىدە يۇقىرى بولىدۇ.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر