ياشانغانلاردىكى خامۇشلۇق بىلەن دېۋەڭلىكنى قانداق ئايرىغىلى بولىدۇ؟

سەھىپە: ياشانغانلار | مەنبە: ئەلداۋا ساغلاملىق تورى | ۋاقتى: 2017/05/16 | كۆرۈلۈشى: قېتىم
ماتېرىيال تەييارلىغۇچى: eldawa02 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 02

ياشانغانلارنىڭ توساتتىن ئېغىر روھىي غىدىقلىنىشلارغا ئۇچراپ، بىر مەزگىل خامۇشلىشىپ قېلىشى نورمال ھادىسە بولۇپ، كېسەللىك ھالىتى ئەمەس. داۋاملىق خامۇشلىشىپ ئېغىرلىشىشقا قاراپ تەرەققىي قىلسا، دېۋەڭلىككە گىرىپتار بولغان-بولمىغانلىقىنى ئويلىشىش لازىم.

خامۇشلۇق كېسەللىكىگە مۇپتىلا بولغان بەزى ياشانغانلارنىڭ كېسىلى راۋاجلىنىپ ئېغىر باسقۇچقا يەتكەندە، تەپەككۈرى ۋە ھەرىكەتلىرى تومۇزلىنىدۇ ( بولۇپمۇ تەپەككۈرى تورمۇزلىنىدۇ ). مۇنداق چاغلاردا قېرىلىق دېۋەڭلىكىگە ئوخشاپ كېتىدىغان كىلىنىكىلىق ئىپادىلىرى بارلىققا كېلىدۇ. شۇڭا، ئاشۇ خىلدىكى بىمارلارغا نىسبەتەن، « ساختا دېۋەڭلىك، ھەقىقىي خامۇشلۇق » نى پەرقلەندۈرۈشكە ئالاھىدە دىققەت قىلىش داۋالاشنى كېچىكتۈرۈپ قويۇپ، سالامەتلىكىگە تەسىر يېتىشتىن ساقلىنىش كېرەك. ئۇنداقتا، ياشانغانلاردىكى خامۇشلۇق بىلەن دېۋەڭلىك قانداق پەرقلەندۈرۈلىدۇ؟ تۆۋەندىكى ئالتە نۇقتىدىن پايدىلىنىشقا بولىدۇ:
1. ياشانغانلاردىكى خامۇشلۇقتا كېسەللىك تېزرەك باشلىنىپ، تېز تەرەققىي قىلىدۇ؛ لېكىن، دېۋەڭلىكتە كېسەللىك ئاستا باشلىنىپ، تەرەققىياتىمۇ ئاستا بولىدۇ.
2. ياشانغانلاردىكى خامۇشلۇقنىڭ ئالامەتلىرى بىرقەدەر ئۇزاق داۋاملىشىدۇ؛ لېكىن قېرىلىق دېۋەڭلىكىگە گىرىپتار بولغان بىمارلارنىڭ كەيپىياتى كۆپ ئۆزگىرىشچان، تۇراقسىز بولىدۇ.
3. ياشغانغانلاردىكى خامۇشلۇق ئەقلىي توسالغۇلار ۋاقىتلىق، قىسمەتلىك خاراكتېرىدە بولۇپ، ھەر نۆۋەتلىك تەكشۈرۈش نەتىجىلىرى ئوخشاشمايدۇ؛ دېۋەڭلىكتە بولسا، ئەقلىي ئىقتىدارىدىكى زەخىملىنىش ئەتراپلىق بولىدۇ ھەمدە تەدرىجىي يامانلىشىدۇ.
4. ياشانغانلاردىكى خامۇشلۇقتا مېڭىنى CT ( ئېلېكتىرونلۇق ھېسابلاش ماشىنىسىدا قاتلاملار بويىچە شەكىل چۈشۈرۈش ) دا تەكشۈرگەندە كۆپىنچە مۇسبەت چىقمايدۇ؛ لېكىن دېۋەڭلىكتە ئەھۋال ئۇنداق ئەمەس، مېڭىنى CT دا تەكشۈرگەندە ئوخشاشمىغان دەرىجىدىكى مېڭە يىگلەش بايقىلىدۇ.
5. خامۇشلۇققا قارشى دورىلارنى ئىشلەتكەندىن كېيىن، خامۇش كېسىلىگە گىرىپتار بولغان بىمارلار تېزلا ئوڭشىلىپ، كېسەل بولۇشتىن ئاۋۋالقىغا ئوخشاش ئويناپ ۋە كۈلۈپ يۈرىدۇ، روھىي ھالىتىمۇ نورماللىشىدۇ؛ ئەمما، دېۋەڭلىكتە خامۇشلۇققا قارشى دورا ئىشلىتىشنىڭ ھېچقانداق رولى بولمايدۇ. ئەلۋەتتە، قېرىلىق دېۋەڭلىكىگە گىرىپتار بولغان قىسمەن ياشانغانلارنىڭ كېسىلىنىڭ دەسلەپكى مەزگىلىدىمۇ « ياشانغانلاردىكى خامۇشلۇق » قا ئوخشاپ كېتىدىغان، خامۇشلۇق ئالامەتلىرى كۆرۈلۈپ، كېسەللىك ئوتتۇرا مەزگىلگە بارغاندا، ئاندىن دېۋەڭلىكنىڭ « ھەقىقىي قىياپىتى » ئاشكارىلىنىدۇ. شۇڭا بۇنىڭغا قارىتا ناھايىتى ھوشيار بولۇش كېرەك.
6. خانمىرتون خامۇشلۇق مىقدارى جەدۋىلى ئارقىلىق مىقدارىنى ئېنىقلاپ تەكشۈرۈش كېرەك.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر