ھامىلىدار ئاياللار جىنسىي كېسەللىككە گىرىپتار بولسا ھامىلىگە يۇقامدۇ؟

سەھىپە: جىنسىيەت | مەنبە: ئەلداۋا ساغلاملىق تورى | ۋاقتى: 2018/04/13 | كۆرۈلۈشى: قېتىم
ماتېرىيال تەييارلىغۇچى: eldawa02 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 04
ئەلداۋادىن تېببىي ساۋات: 
ھامىلىدار ئاياللار بەزى جىنسىي كېسەللىكلەرگە گىرىپتار بولسا، بالا ھەمراھى ئارقىلىق ھامىلىگە يۇقتۇرىدۇ. سىفلىس بۇنىڭ ئەڭ تىپىك مىسالى. ھامىلىدار ئايال دەسلەپكى دەۋرلىك سىفلىس بىلەن يۇقۇملانسا ھەمدە داۋالانمىسا، %100 دېگۈدەك ھامىلىگە تەسىرى بولىدۇ. بۇنىڭ ئىچىدە %50 ئايالدا بالدۇر تۇغۇش ياكى يېڭى تۇغۇلغان بوۋاق پېرىناتال ( تۇغۇت ئالدى- كەينى ) دەۋرىدىلا ئۆلۈش ئەھۋالى كۆرۈلىدۇ، يەنە قالغان %50 ھامىلىدار ئايال سىفلىسنى بالا ھەمراھى ئارقىلىق يېڭى تۇغۇلغان بوۋاققا يۇقتۇرىدۇ. ھامىلىدار ئايال ئەگەر ئاخىرقى دەۋرلىك سىفلىس بولسا، %10 ىدە سىفلىس ھامىلىگە يۇقۇش ئەھۋالى كۆرۈلىدۇ.
 
تۆرەلمىگە بولغان خەتىرى بىرقەدەر ئېغىر بولغان يەنە بىر خىل جىنسىي كېسەللىك - جىنسىي ئەزا قاپارتقۇسى. ئەگەر ھامىلىدار ئايالدا بىرلەمچى جىنسىي ئەزا قاپارتقۇسى پەيدا بولغان بولسا، 1/2 ~1/3 ھامىلە تەسىرگە ئۇچراپ، بويىدىن ئاجراش، بالىياتقۇ ئىچىدە يېتىلىشى كېچىكىش، بالدۇر تۇغۇلۇش، ئېغىرلىقى تۆۋەن تۇغۇلۇش ۋە يېڭى تۇغۇلغان بوۋاققا تۇغما قاپارتقۇ، تۇغما غەيرىيلىك كۆرۈلۈش، ھەتتا ھامىلە ئۆلۈك تۇغۇلۇش قاتارلىقلارنى كەلتۈرۈپ چىقىرىدۇ. ئەگەر ھامىلىدار ئايالدا تەكرار قوزغالغان جىنسىي ئەزا قاپارتقۇسى بولسا، تەخمىنەن %5 ھامىلە تەسىرگە ئۇچرايدۇ.
ھامىلىدار ئايالدا ئەگەر باشقا جىنسىي كېسەللىكلەر، مەسىلەن، سۆزنەك، سۆزنەك باكتېرىيەسىز سۈيدۈك يولى يەللىكى، ئۇچلۇق ھۆل سۆگەل قاتارلىقلار بولسا، ئادەتتە بالا ھەمراھى ئارقىلىق ھامىلىگە يۇقمايدۇ. ئەمما، تۇغۇت يولى ئارقىلىق تۇغقاندا يېڭى بوۋاققا يۇقۇپ، بوۋاقتا سۆزنەك باكتېرىيەلىك ياكى تىراخوما خىلامىدىيەلىك بىرىكتۈرگۈچى پەردە يەللىكى، تىراخوما خىلامىدىيەسى مەنبەلىك ئۆپكە يەللىكى، يۇتقۇنچاق- كېكىردەك ئەمچەكسىمان ئۆسمىنى قاتارلىقلارنى كەلتۈرۈپ چىقىرىدۇ. 
 
iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر