خانىم-قىزلارنىڭ يۈزىگە داغ چۈشىدىغان بەش مەزگىل

سەھىپە: ئاياللار | مەنبە: ئەلداۋا ساغلاملىق تورى | ۋاقتى: 2017/04/11 | كۆرۈلۈشى: قېتىم
ماتېرىيال تەييارلىغۇچى: eldawa03 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 03

كۆپىنچە خانىم-قىزلار يۈزلىرىگە قانداقلارچە داغ چۈشۈپ قالغانلىقىنى بىلىشمەيدۇ. تۇرمۇش ئادىتى، دەم ئېلىشى، ئوزۇقلىنىشى، سالامەتلىكى دېگەندەكلەر خېلىلا ياخشىدەك تۇرسىمۇ يەنىلا داغ چۈشۈشتىن خالىي بولالمايدۇ. ئەمەلىيەتتە، خانىم-قىزلارنىڭ مۇنۇ 5 مەزگىلى ئەسلىدىنلا داغ چۈشىدىغان مەزگىل بولۇپ، بۇ چاغلاردا ئالاھىدە دىققەت قىلىش، ئۆزىنى ۋە ئايدەك يۈزىنى ئاسراشقا ئالاھىدە ئېتىبار بېرىشى كېرەك.
1. بالىلىق مەزگىلى
سەپكۈن تۇغما ئىرسىيەت خاراكتېرلىك كېسەللىك بولۇپ، كۆپىنچە 6~5 ياش ۋاقىتلىرىدا چىقىدۇ، ياشنىڭ چوڭىيىشىغا ئەگىشىپ كۆپىيىدۇ. رەڭگىنىڭ سۇس ياكى قېنىق بولۇشى ئاپتاپ بىلەن ئۇچىرىشىشى بىلەن مۇناسىۋەتلىك.
2. بالاغەتكە يېتىش مەزگىلى
بالاغەتكە يەتكەن مەزگىللەردە تېرە ماي بەزلىرىنىڭ ئاجرىتىشى جانلىنىپ، ئوڭايلا رەڭلەرنىڭ چۆكۈشىنى پەيدا قىلىپ، داغ پەيدا قىلىپ قويىدۇ.
3. ياشلىق مەزگىلى
خانىم-قىزلار 30~20 ياش چاغلىرىدا خىزمەت-ئىش ئورۇنلىرىدا، ئائىلىدە تازا زورۇقۇپ ئىشلەيدۇ. ئۇزاق مەزگىل ئۇيقۇسى كەم بولۇپ، دەم ئېلىشى يېتەرسىز بولىدۇ، روھىي بېسىم ئېغىر بولۇش، زىيادە چارچاش قاتارلىقلار بۆرەك ئۈستى بېزى تېرە ماي بەزلىرىنىڭ ئىقتىدارى چېكىنىپ، رەڭلەرنىڭ چۆكىۋېلىشىنى ھاسىل قىلىدۇ-دە، داغ پەيدا بولىدۇ.
4. ھامىلىدارلىق مەزگىلى
ھامىلىدارلىق مەزگىلىدە سېرىق-بېغىررەڭ داغ ئەڭ ئوڭاي چۈشىدۇ. بۇ تۇخۇمدان خىزمىتى بىلەن مۇناسىۋەتلىك بولۇپ، ئاياللار 50~40 ياشقا بارغاندىمۇ تۇخۇمدان ئىقتىدارى چېكىنگەندە، بۇ خىل داغ چۈشىشى مۇمكىن.
5. قېرىلىق مەزگىلى
ئاياللار ياشانغاندا قېرىلىق دېغى چۈشىدۇ. بۇ تېرىلەرنىڭ قېرىغانلىقىنىڭ ئىپادىسى، بەزىدە جەمەت خاراكتېرلىك ئىرسىيەت بىلەنمۇ مۇناسىۋەتلىك.


داغ يوقىتىشنىڭ ئاددىي چارىلىرى
1. ئۇيقۇ ۋە ئوزۇقلىنىش تېرە ئۈچۈن ئىنتايىن مۇھىم، بولۇپمۇ يېتەرلىك ئۇخلاش ئىنتايىن مۇھىم. قايناقسۇنى كۆپ ئىچىش، شورپىلىك غىزالارنى كۆپ ئىستېمال قىلىش، مېۋە-چىۋىلەرنى، تۇخۇم ۋە ئورۇق گۆشكە ئوخشاش ئاقسىللىق يېمەكلىكلەر تېرىنىڭ سىلىق، يۇمران، پارقىراق تۇرۇشى ئۈچۈن تولىمۇ مۇھىم.
2. ياز پەسلىدە قەنت تولۇقلاش (مۇۋاپىق مىقداردا). جىگەر، بۆرەك، تال قاتارلىق ئەزالارنىڭ ھەممىسى قەنتكە ئېھتىياجلىق، ھالبۇكى بۇ ئەزالار ئاياللارنىڭ ساقلىقى، چاچلىرىنىڭ سۇمبۇل، رۇخسارىنىڭ گۈزەل بولۇشىدا ئىنتايىن مۇھىم.
3. ئاپتاپتىن ساقلىنىش. چۈنكى قورۇق-داغلارنىڭ كۆپىنچىسى ئاپتاپتا كۆپ تۇرغانلىقتىن، تېرىلەرنىڭ قېرىشى بىلەن مۇناسىۋەتلىك. ئاپتاپتىن ساقلىنىش تېرە ئاسراش بويۇملىرى يازدىكى زۆرۈر بويۇملاردۇر. ئەمما، ئاپتاپتىن ساقلىنىش كۆرسەتكۈچىسى بەك يۇقىرى بويۇملارنىڭ يەنە تېرىگىمۇ غىدىقلاش تەسىرى بولىدۇ. شۇڭا، ئىشلەتكەندىن كېيىن 3-2 سائەت ئىچىدە يۇيىۋېتىش كېرەك.
iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر