ئاياللار نېمە ئۈچۈن ئىككىقات مەزگىلىدە فولىن تولۇقلىشى زۆرۈر؟

سەھىپە: ئاياللار | مەنبە: ئەلداۋا ساغلاملىق تورى | ۋاقتى: 2017/06/16 | كۆرۈلۈشى: قېتىم
ماتېرىيال تەييارلىغۇچى: eldawa02 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 02
فولىن كىسلاتاسى(يوپۇرماق كىسلاتاسى 叶酸) بىر خىل سۇدا ئېرىشچان ۋىتامىن بولۇپ، ئاقسىل ۋە يادرو كىسلاتاسىنىڭ بىرىكىشىدىن شەكىللىنىدۇ. ئۇ قىزىل قان ئاقسىلى، قىزىل قان ھۈجەيرىسى ۋە ئاق قان ھۈجەيرىسىنىڭ تېز سۈرئەتتە كۆپىيىشى، ئامىنو كىسلاتا ۋە چوڭ مېڭىدىكى ئۇزۇن زەنجىرلىك ياغ كىسلاتا مېتابولىزمى، مەسىلەن، DNA مېتابولىزمى قاتارلىقلاردا ناھايىتى مۇھىم رول ئوينايدۇ، ئۇ بەدەندە كەم بولسا بولمايدىغان مۇھىم تەركىب بولۇپ، ئىككىقات ئاياللار ئۇنى تولۇقلىسا، ھامىلە غەيرىيلىكىنىڭ ئالدىنى ئالغىلى بولىدۇ.
 
ئىككىقات ئاياللار فولىن كىسلاتاسى تولۇقلاشتا، مىقدارىنىڭ توغرا بولۇشىغا ئالاھىدە دىققەت قىلىشى كېرەك. دۇنيا سەھىيە تەشكىلاتى بېكىتكەن ئۆلچەمگە ئاساسلانغاندا، بويىدا قېلىشتىن ئاۋۋالقى ئۈچ ئاي ۋە ئىككىقات بولغان دەسلەپكى ئۈچ ئايدا كۈندە 0.4mg تولۇقلىسىلا مۇۋاپىق بولىدىكەن. ئارتۇقچە تولۇقلانغان فولىن كىسلاتاسى سۈيدۈك بىلەن چىقىپ كېتىدۇ. ئىككىقات ئاياللار فولىن كىسلاتاسىنى كۆپ مىقداردا ئىچسە، سىنكنىڭ قوبۇل قىلىنىشىغا تەسىر يەتكۈزۈپ، سىنك كەملىكنى پەيدا قىلىدۇ. بۇ ھامىلىنىڭ يېتىلىشىنى كېچىكتۈرۈپ، بەدەن ئېغىرلىقىنىڭ نورمال ئاشالماسلىقىنى كەلتۈرۈپ چىقىرىشى مۇمكىن.
 
ئادەتتە، نۇرغۇن كۆكتاتلارنىڭ تەركىبىدە فولىن كىسلاتاسى بولىدۇ، ئەمما تەبىئىي فولىن كىسلاتاسى ناھايىتى تۇراقسىز بولۇپ، نۇر ياكى ئىسسىقلىقنىڭ تەسىرىدە ئاسانلا ئوكسىدلىنىپ قالىدۇ، شۇڭا ئادەم تېنى يېمەكلىكلەردىن ھەقىقىي قوبۇل قىلىدىغان فولىن كىسلاتاسى ئانچە كۆپ بولمايدۇ. ئەمما، سۈنئىي بىرىكتۈرۈلگەن فولىن كىسلاتاسى بىر نەچچە ئاي ياكى بىر نەچچە يىللارغىچە ئۆزگىرىپ كەتمەي مۇقىم تۇرالايدۇ، ئادەم بەدىنىگە سۈمۈرۈلۈشچانلىقى ۋە پايدىلىنىشچانلىقى يۇقىرى بولىدۇ، شۇڭا ئىككىقات ئاياللارنىڭ ئىچىشى تەۋسىيە قىلىنىدۇ.
iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر