ئاياللارنىڭ بىلىش ئىقتىدارى ھامىلىدارلىق مەزگىلىدە تۆۋەنلەپ كېتىدىكەن

سەھىپە: ئاياللار | مەنبە: ئەلداۋا ساغلاملىق تورى | ۋاقتى: 2018/01/31 | كۆرۈلۈشى: قېتىم
ماتېرىيال تەييارلىغۇچى: eldawa02 | تەكشۈرۈپ بېكىتكۈچى: eldawa01 | يوللىغۇچى: ئەلداۋا 02

   خەلق تورى ئۇيغۇرچە قانىلىنىڭ 16- يانۋار بېيجىڭدىن بەرگەن تېلېگراممىسى: بەزى ھامىلىدار ئاياللار دائىم «ھامىلىدار بولغاندىن بېرى دۆتلىشىپ كەتتىم» دەپ ئۆزىنى مەسخىرە قىلىدۇ. ئاۋسترالىيە ئالىملىرىنىڭ يېڭى تەتقىقاتىدا كۆرسىتىلىشىچە، ئاياللارنىڭ ھامىلىدارلىق مەزگىلىدىكى ئەستە تۇتۇش قابىلىيىتى قاتارلىق بىلىش ئىقتىدارىنىڭ تۆۋەنلەپ كېتىشى ھەقىقەتەن ئومۇميۈزلۈك ھادىسە ئىكەن، لېكىن بۇ خىل ئەھۋاللارنىڭ ھامىلىدار ئاياللارنىڭ كۈندىلىك تۇرمۇشىغا كۆرسىتىدىغان تەسىرى چوڭ ئەمەس ئىكەن.

  «ئاۋسترالىيە تېببىي ژۇرنىلى»نىڭ 15-يانۋار ئېلان قىلىنغان دوكلاتىدا مۇنداق دېيىلدى: ئاۋسترالىيە دېئاكىن ئۇنىۋېرسىتېتىنىڭ پەن تەتقىقات خادىملىرى بۇنىڭدىن بۇرۇنقى مۇشۇ تەتقىقاتقا ئالاقىدار 20 سانلىق مەلۇماتنى ئۇنىۋېرسال تەھلىل قىلدى، بۇنىڭ ئىچىدە قۇرامىغا يەتكەن 709 ساغلام ھامىلىدار ئايال ۋە ھامىلىدارلىق مەزگىلىدە بولمىغان ساغلام، قۇرامىغا يەتكەن 521 ئايال بار ئىكەن، نەتىجىدە ھامىلىدار ئاياللارنىڭ ئومۇمىي جەھەتتىكى بىلىش ئىقتىدارىنىڭ ھامىلىدار ئەمەس ئاياللارغا يەتمەيدىغانلىقى بايقالغان. تەتقىقاتتا كۆرسىتىلىشىچە، ھامىلىدار ئەمەس ئاياللار بىلەن سېلىشتۇرغاندا، ھامىلىدار ئاياللارنىڭ ئەڭ ئاخىرقى ئۈچ ئايلىق ھامىلىدارلىق مەزگىلىدىكى ئومۇمىي جەھەتتىكى بىلىش ئىقتىدارى، ئەستە تۇتۇش ئىقتىدارى ۋە ئىجرا قىلىش ئىقتىدارىدا كۆرۈنەرلىك تۆۋەنلەش بولىدىكەن، لېكىن ھامىلىدارلىق مەزگىلىدىكى ئالدىنقى ئالتە ئېيىدا بۇ خىل پەرق ۋە ھالەت بايقالمايدىكەن.
 
  بۇ تەتقىقاتتا دېيىلىشىچە، ھامىلىدار ئاياللارنىڭ ئەستە تۇتۇش قابىلىيىتىنىڭ تۆۋەنلىشىگە ئادەتتە پەقەت ھامىلىدار ئاياللار ئۆزى ياكى ئۇنىڭ تۇغقانلىرى دىققەت قىلىدىكەن، بۇ خىل تۆۋەنلەش كۈندىلىك تۇرمۇشقا ئېغىر تەسىر قىلمايدىكەن، لېكىن ھامىلىدار ئاياللارنىڭ تۇرمۇش سۈپىتىگە بولغان كونكرېت تەسىرىنى يەنىمۇ تەتقىق قىلىشقا توغرا كېلىدىكەن.
 
  كۆرۈپ بېكىتكۈچى: ياسىن قادىر
 
  مەنبە: خەلق تورى
iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر