جىنسىي كېسەلگە گىرىپتار بولغان ئاياللار ھامىلىنى قانداق قىلىش كېرەك؟

سەھىپە: ئاياللار | مەنبە: ئەلداۋا ساغلاملىق تورى | ۋاقتى: 2018/10/10 | كۆرۈلۈشى: قېتىم
ماتېرىيال تەييارلىغۇچى: ئەلداۋا02 | تەكشۈرۈپ بېكىتكۈچى: ئەلداۋا01 | يوللىغۇچى: ئەلداۋا 04

ئەلداۋادىن تېببىي ساۋات :

 

جىنسىي كېسەللىككە گىرىپتار بولغان ھامىلىدار ئاياللار ھامىلىنى ئالدۇرۇۋېتىشى كېرەكمۇ ياكى بالىياتقۇنى يېرىپ تۇغدۇرۇش ئوپېراتسىيەسى قىلدۇرۇشى كېرەكمۇ؟
بەزى ھامىلىدار ئاياللار ئۆزىنىڭ جىنسىي كېسەللىككە گىرىپتار بولغانلىقىنى بىلگەندىن كېيىن ھامىلىنى ئالدۇرۇۋېتىشنى ( ھامىلىدارلىقنى توختىتىش ) ياكى بالىياتقۇنى يېرىپ تۇغدۇرۇش ئوپېراتسىيەسى قىلدۇرۇشنى تەلەپ قىلىدۇ. بىراق، جىنسىي كېسەللىككە گىرىپتار بولغان بارلىق ھامىلىدار ئاياللارنىڭ مۇشۇنداق قىلىشىنىڭ ھاجىتى يوق، بۇنى ئەھۋالغا قاراپ بەلگىلەش كېرەك. مەسىلەن، دەسلەپكى مەزگىللىك سىفلىسنى پېنسىلىن بىلەن ۋاقتىدا، قائىدىلىك داۋالاتقان بولسا، ئۇ تۇغقان بوۋاق ئاساسەن ساغلام بولىدۇ. ھامىلىدار ئايالدا ئۇچلۇق ھۆل سۆگەل بولۇپ، ئەگەر تۇغۇتقا تەسىر قىلمىسا، بالىياتقۇنى يېرىپ تۇغدۇرۇش ئوپېراتسىيەسى قىلدۇرۇش ھاجەتسىز. ئۇچلۇق ھۆل سۆگەل تۇغۇت يولىنى توسۇۋالغان ياكى جىنسىي يولدىن تۇغقاندا قان كۆپ چىقىپ كېتىش ئېھتىماللىقى بولغاندىلا بالىياتقۇنى يېرىپ تۇغدۇرۇش كېرەك.

ئۇنىڭدىن باشقا، سۆزنەك كېسەللىكىگە گىرىپتار بولغان بەزى ھامىلىدار ئاياللار ھامىلىنى ئالدۇرۇۋېتىشنى تەلەپ قىلىدۇ. سۆزنەك باكتېرىيەسى ئاساسەن بالىياتقۇ بوينى كانىلىدا كۆپىيىدۇ. سۈنئىي بالا چۈشۈرگەندە مەشغۇلاتتا ئىشلەتكەن بارلىق سايمانلار بۇ يەردىن ئۆتكەنلىكتىن، سۆزنەك باكتېرىيەلىرىنىڭ بالىياتقۇ ئىچىگە كىرىۋېلىشىدىن ساقلانغىلى بولمايدۇ. شۇڭا، ھامىلىدار ئايالنىڭ سۆزنەك باكتېرىيەسى بىلەن يۇقۇملانغانلىقى تەكشۈرۈپ ئېنىقلانسا ،ھەمدە ھامىلىنى سۈنئىي ئۇسۇلدا ئالدۇرۇۋېتىشكە توغرا كەلسە، يەللىنىشنىڭ كېڭىيىپ كېتىشىدىن ساقلىنىش ئۈچۈن، چوقۇم ئۈزۈل- كېسىل داۋالاپ ئاندىن ھامىلىنى ئېلىۋېتىش ئوپېراتسىيەسى قىلىش كېرەك.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر