• يېڭى ماقالىلەر

ئەيدىز [AIDS] گە مۇپتىلا بولغان ئايال ۋە يېتىم قىز

سەھىپە: ئەيدىز | مەنبە: گۈلىستان تورى | ۋاقتى: 2018/03/12 | كۆرۈلۈشى: قېتىم
ماتېرىيال تەييارلىغۇچى: غەيۇر ( تور ئىسمى ) | تەكشۈرۈپ بېكىتكۈچى: ئەلداۋا 02 | يوللىغۇچى: ئەلداۋا 05

يۈكسەل بلوگ ئىلاۋىسى : مەزكۇر ئەسەردە ئېرى ئەيدىز [AIDS] بىلەن ئۆلۈپ كەتكەندىن كېيىن، ئۆزىمۇ ئەيدىز [AIDS] دىن ئىبارەت رەھىمسىز جەددالنىڭ چاڭگىلىدا تىپىرلاۋاتقان گۈلشەن ئىسىملىك ئۇيغۇر ئانىنىڭ ئۆزىنىڭ 2 ئوغلى ۋە كېيىن بېقىۋالغان 1 يېتىم قىزىنى ( بۇ قىزنىڭ ئاتا – ئانىسىمۇ ئەيدىز [AIDS] بىلەن ئۆلۈپ كەتكەن ) بېقىش جەريانىدىكى تولىمۇ تەسىرلىك ئەمەلىي ھايات كەچۈرمىشى بايان قىلىنغان بولۇپ،ئەلداۋا ساغلاملىق تورىدىكى بارلىق ئوقۇرمەنلىرىنى مەزكۇر ئەسەرنى باشتىن ئاخىرى ئوقۇپ چىقىشقا تەكلىپ قىلىدۇ ۋە بۇ بىچارە ئانا – بالىلارغا ئوخشاش ئەيدىز [AIDS]نىڭ تەسىرىدا خار ۋە زەبۇن بولىۋاتقان كىشىلەرگە غەمخورلۇق قىلىشقا، ئەيدىز [AIDS]نىڭ ئالدىنى ئېلىش تەشۋىقاتىغا ئاكتىپ كۈچ چىقىرىشقا چاقىرىق قىلىدۇ.

ئاپتورى: شۇ شىن تىلماچ : غەيۇر ( تور ئىسمى )

ئىلى دەرياسى بويىدىكى بىر مەھەللىدە گۈلشەن ئىسىملىك كېلىشكەن، ئەمما بەختسىز بىر ئۇيغۇر ئايال ئولتۇرىدۇ. بۇنىڭدىن بىرنەچچە يىل ئىلگىرى ئېرى زەھەرگە خۇمار بولۇپ قالغان ۋە ئۆلۈپ كەتكەندىن كېيىن، گۈلشەننىڭ ئائىلىسىدە تۆت تامدىن باشقا ھېچنېمە قالمايدۇ. ئۇ ئىككى بالىسىنى ئېلىپ، ئەسكى _ تۈسكى نەرسىلەرنى يىغىش ئارقىلىق كۈن ئۆتكۈزىدۇ. ئەمما، ئۇ كۈنىنى ئاران كۈن ئېتىپ كېتىۋاتقان چاغدا، ئەيدىز [AIDS]گە مۇپتىلا بولغان ئايال تاشلىۋەتكەن بىر قىز بوۋاقنى تېپىۋالىدۇ. گۈلشەن ئۈچ بالىسى بىلەن جاپالىق تۇرمۇش كەچۈرۈۋاتقاندا، ئۆزىنىڭ ئەيدىز ۋىرۇسى [HIV] بىلەن يۇقۇملانغانلىقىدىن خەۋەر تاپىدۇ…

ئېرىنىڭ ئۆلۈمى

گۈلشەن 1995 _ يىلى ساددا قادىرغا ياتلىق بولغان چاغدا، تويى بولىدىغان قىزلار ئادەتتە ئېلىپ ماڭىدىغان قىز مېلىنىڭ سىرتىدا، ئۇنىڭ ئىلكىدە بىر قورۇ جايمۇ بار ئىدى. تويدىن كېيىن، گۈلشەننىڭ ئېرى قادىر ئاتا كەسپىگە ۋارىسلىق قىلىپ، يېزا ئىگىلىك مەھسۇلاتلىرى بازىرىدا كاۋاپچىلىق قىلدى، دەسلەپ بۇ ئائىلىنىڭ تۇرمۇشى ئىناق ۋە كۆڭۈللۈك ئۆتتى. بىراق، ئۇلارنىڭ چوڭ ئوغلى دۇنياغا كېلىپ، ئارىدىن ئۇزاق ۋاقىت ئۆتمەي، گۈلشەن ئېرىنىڭ زەھەرگە خۇمار بولۇپ قالغانلىقىنى بايقاپ قالدى. ئېرىنىڭ زەھەرگە خۇمار بولۇپ قېلىشى تۈپەيلىدىن، ئارىدىن ئۇزاق ۋاقىت ئۆتمەيلا ئۇلارنىڭ نەچچە ۋاقىتتىن بېرى يىغىپ كېلىۋاتقان پۇلى قاق پاكىز تۈگىدى. گۈلشەن 2 _ ئوغلىغا ھامىلىدار بولغان مەزگىلدە، قادىر ئائىلىدىكى پۇلغا يارايدىغان ھەممە نەرسىنى ۋە ئىككى قورۇ جاينى زەھەرگە تېگىشىپ بولغانىدى…
قادىر 2000 _ يىلى كەچ كۈز كۈنلىرىنىڭ بىرىدە گۈلشەن باغدىكى قەبرىستانلىقتا ئۆلۈپ قالدى، خەقلەر ئۇنىڭ جەسىتىنى بايقىغان چاغدا، زەھەر ئوكۇل قىلىدىغان شپىرىس ئۇنىڭ بىلىكىدە ئېسىقلىق تۇراتتى.
شۇ چاغدا گۈلشەن 2 _ ئوغلىنى يېڭىلا تۇغقان بولۇپ، قىرقى تېخى توشمىغانىدى، چوڭ ئوغلى بولسا، ئاران تۆت ياشتا ئىدى.
گۈلشەننىڭ ئاغرىقچان ۋە ياشىنىپ قالغان ئاتا _ ئانىسى قىزىنىڭ بېشىغا كەلگەن كۈلپەتتىن خەۋەر تاپقاندىن كېيىن، قايغۇ _ ئەلەم دەستىدىن كەينى _ كەينىدىن ئۇ دۇنياغا سەپەر قىلدى. گۈلشەن ھېچ ئىلاج قىلالماي، ئاخىر يىراق بىرنەۋرە ھەدىسىگە دەردىنى ئېيتىشقا مەجبۇر بولدى، ھەدىسى ئۆزى ئولتۇرۇۋاتقان ھويلىدىكى بىر كىچىك ئامبارنى گۈلشەن ۋە ئۇنىڭ بالىلىرىنىڭ ئولتۇرۇشىغا بوشىتىپ بەردى.
گۈلشەننىڭ ئىشلەيدىغان ئىشى بولمىغاچقا، كىرىم مەنبەسى يوق ئىدى، ئەمما، بالىلىرىنى باقمىسا بولمايتتى. ئۇرۇق _ تۇغقان، دوست _ بۇرادەرلىرى ئۇنىڭغا بىر مەھەل ياردەم بەردى. بىراق، قەيسەر ئايال گۈلشەن خەقنىڭ ياردىمى بىلەن ئۇزاق ۋاقىت كۈن ئۆتكۈزگىلى بولمايدىغانلىقىنى ھېس قىلىپ، ئەسكى _ تۈسكى نەرسىلەرنى يىغىش ئارقىلىق بالىلىرىنى بېقىشقا كىرىشتى، ئۇ مۇشۇنداق جاپا _ مۇشەققەتلىك ئەمگىكى ئارقىلىق بىر نەچچە يىلنى ئۆتكۈزدى.

iOS ئەپى
Android ئەپى
ئەلداۋا سالونى
ئېلان مۇلازىمىتى
  • ئەلداۋا باياناتى
  • 1. ئەلداۋادىكى تېببىي ساۋات ماقالىلىرىدىن پەقەت پايدىلىنىشقا بولىدۇكى، دىياگنوز-داۋالاشتا ئاساس قىلىشقا ھەرگىز بولمايدۇ. كونكرېت ئىشلاردا يەنىلا دوختۇر ياكى مۇناسىۋەتلىك كەسپىي خادىملارنىڭ پىكىرى بويىچە ئىش كۆرگەيسىز.
    2. ئەلداۋادىكى بارلىق ماقالىلەر پەقەت تارقىتىش ئۈچۈن يوللانغان. بۇ ماقالىنىڭ ئەلداۋادا ئېلان قىلىنغانلىقى - ھەرگىزمۇ بۇ ماقالىدىكى كۆز قاراشلارنىڭ مۇتلەق توغرىلىقىنى ياكى بىزنىڭ شۇ خىل قاراشلارنى ياقىلايدىغانلىقىمىزنى ئىسپاتلىمايدۇ.
    3. ئەلداۋادىكى ماقالىلەرنى باشقا بېكەت، سالونلارغا رۇخسەتسىز كۆچۈرۈشكە بولمايدۇ. ئۇنداق بولمايدىكەن، مۇناسىپ چارە-تەدبىرلەر ئارقىلىق، ھوقۇق-مەنپەئەتىمىزنى قوغداشقا مەجبۇرمىز.
  • مۇناسىۋەتلىك ماقالىلەر